Limousin

in Wikipedia, die vrye ensiklopedie
Spring na: navigasie, soek
Limousin

Flag of Limousin.svg BLASONLIMOUSIN.PNG

Limousin map.png
Départements Corrèze (19)
Creuse (23)
Haute-Vienne (27)
Prefektuur Limoges
Bevolking 741 785 inw.
(2009)
Bevolkingsdigtheid 44 inw./vk km
Oppervlakte 16 942 vk km
Arrondissemente 8
Kantons 106
Munisipaliteite 747
President van
Gewestelike Raad
Jean-Paul Denanot (PS)

Limousin (Lemosin in Oksitaans) is 'n administratiewe gewes in Sentraal-Frankryk wat drie départements behels - Corrèze, Creuse en Haute-Vienne. Limousin maak deel uit van Oksitanië en is volledig in die bergagtigte hartland van Frankryk - die Sentraalmassief - geleë en strek oor 16 942 km².

Die gewes word begrens deur Centre in die noorde, Poitou-Charentes en Akwitanië in die weste, Midi-Pyrénées in die suide en Auvergne in die ooste.

Met 'n bevolking van 741 785 in 2009 is Limousin die mees yl bevolkte van Frankryk se geweste ná Korsika. Sy demografie word deur 'n lae geboortekoers en bo-gemiddelde sterftesyfers gekenmerk, terwyl ook die aandeel van bewoners in die ouderdomsgroep bo sestig jaar die hoogste in die land is. Die demografiese prentjie her eers in die vroeë 21ste eeu merkbaar begin verander: die netto-binnelandse migrasie na die gewes het gestyg, en veral nedersettings langs die hoofroetes het 'n relatief hoë bevolkingsgroei getoon.

Geografie[wysig]

Die Lac de Vassivière

Na Limousin word dikwels as 'n "waterkasteel" verwys aangesien talle riviere hulle oorsprong in die gebied het: Corrèze, Vézère, Auvézère, Diège, Luzège, Isle, Dronne, Vienne, Gartempe, Briance, Creuse, Petite Creuse, Cher, Taurion en Maulde.

Die Charente, wat in Chéronnac (Haute-Vienne) ontspring, en die Dordogne is die twee grootste riviere wat deur Limousin vloei. Daar is ook 'n groot aantal waterliggame soos damme en natuurlike mere in die gewes wat 'n totale oppervlakte van 12 000 hektaar beslaan. Die beduidendste hiervan is die Lac de Vassivière wat op die Millevaches-plato geleë is. Die meeste ander groot waterliggame is damme soos die Lac de Saint-Pardoux, Lac de Bort-les-Orgues, Lac de Lavaud-Gelade en Lac de Lavaud. Altesaam 39 mere is kunsmatig aangelê.


Die administratiewe geweste van Frankryk (Régions de France) Flag of France
Metropolitaanse geweste (Régions métropolitaines):
Akwitanië | Auvergne | Boergondië | Bretagne | Centre | Champagne-Ardenne | Elsas | Franche-Comté | Île-de-France | Korsika | Languedoc-Roussillon | Limousin | Lotaringe | Midi-Pyrénées | Nord-Pas-de-Calais | Basse-Normandie | Haute-Normandie | Pays de la Loire | Pikardië | Poitou-Charentes | Provence-Alpes-Côte d'Azur | Rhône-Alpes
Oorsese geweste (Régions d’outre-mer):
Frans-Guyana | Guadeloupe | Martinique | Mayotte | Réunion