Lobnoje Mesto

in Wikipedia, die vrye ensiklopedie
Spring na: navigasie, soek
Die voormalige Groothandelsgebou op Rooiplein in Moskou met die Lobnoje Mesto op die voorgrond.

Die Lobnoje Mesto (Russies: Лобное место) is ’n 13 meter lange podium van wit stene in die suidoostelike deel van Rooiplein voor die Sint Basilius-katedraal. Dit is een van die min konstruksies op die plein wat in sy aanvanklike kondisie behoue gebly het.

Dit is in 1549 gebou toe die destyds 19-jarige tsaar Iwan die Verskriklike daar ’n toespraak gehou het. Daarna is dit gebruik om die tsaars se edikte af te kondig.

Volgens oorlewering was die oorspronklike podium van hout en is dit eers in die 1590's met stene herbou. Later is dit ook tydens feeste gebruik, onder meer vir tsaars en patrirage om toesprake te hou. Teregstellings is ook langs die podium gehou – die bekendstes hiervan was dié van die rebelleleier Stenka Razin in 1671 en die massateregstelling deur Pieter die Grote van die opstandige Streltsi aan die einde van die 1690's.

Nadat die hoofstad onder Pieter die Grote na Sint Petersburg geskuif is, het die podium sy destydse funksie verloor en was dit bloot ’n gedenkteken.

Koördinate: 55°45′12″N 37°37′21″O


Crystal txt.png

Hierdie artikel is vertaal vanuit die Engelse Wikipedia


Bakens aan Rooiplein
Moskouse Historiese StaatsmuseumOpstandingspoort en Iberiese KapelVoormalige Moskouse Provinsiale RaadsgebouKazan-katedraalGUM-afdelingswinkelVoormalige GroothandelsgebouLobnoje MestoGedenkteken vir Minin en PozjarskiSint Basilius-katedraalOostelike KremlinmuurLenin-mausoleumKremlinmuur-dodeakker