London Transport Museum

in Wikipedia, die vrye ensiklopedie
Spring na: navigasie, soek

London Transport Museum logo.svg

Covent Garden Piazza with London Transport Museum - geograph.org.uk - 215169.jpg

London Transport Museum


Ligging

Covent Garden, Londen
Vlag van Verenigde Koninkryk Verenigde Koninkryk



Stigting

1980


Tipe

Vervoermuseum


Webtuiste
ltmuseum.co.uk

Die London Transport Museum, of kort LT Museum in die Londense distrik Covent Garden is daarop gemik om die Britse hoofstad se vervoererfenis te bewaar en insae te lewer in die historiese ontwikkeling van vervoermiddels. Die museum se uitstalstukke het hul oorsprong merendeels in die versamelings van London Transport, die plaaslike openbare vervoermaatskappy, maar sedert die stigting van Transport for London (TfL) - 'n sambreelliggaam en plaaslike regeringsinstelling wat die openbare vervoerstelsel van Groter Londen bestuur en koördineer - in 2000 is die museum se fokus uitgebrei om alle aspekte van vervoer in die stad te dek.

Die museum beskik oor twee persele in Londen. Die hoofgebou in Covent Garden gebruik die naam van sy moederinstelling, soms met die agtervoegsel "Covent Garden", en is daagliks oop. 'n Tweede perseel in Acton staan as die London Transport Museum Depot bekend en dien hoofsaaklik as stoorhuis wat op gewone besoekersdae dwarsdeur die jaar besigtig mag word.