Louis de Villiers

in Wikipedia, die vrye ensiklopedie

Louis de Villiers is 'n bekroonde Afrikaanse sportjoernalis en skrywer van ’n rugbyriller. Die predikant, digter en koerantredakteur I.L. de Villiers was sy vader.

Lewe en werk[wysig | wysig bron]

Louis de Villiers is die oudste seun van die bekende digter, teoloog en joernalis I.L. de Villiers, en Rina Visser. Sy jonger broer is Jacques. Louis voltooi sy skoolopleiding aan die Hoërskool Zwaanswyk in Retreat in die tyd dat sy vader predikant was van die NG gemeente Constantia, studeer in die regte aan die Universiteit Stellenbosch en voltooi dan sy twee jaar verpligte militêre diensplig. Hy sluit daarna as joernalis by die redaksie van Die Burger aan en word later sportjoernalis by Rapport, waar hy verskeie pryse wen met sy sportverslaggewing. Hy is ongetroud en woon in Observatory in Kaapstad.

Skryfwerk[wysig | wysig bron]

Sy debuut is met die rugbyriller Kaapstad Karma-Polisie ontmoet die Bokke,[1][2] waarin geweld, dwelms en prostitusie ’n groot rol speel. Groot weddenskappe kan gewen word as die uitslag van rugbywedstryde beïnvloed kan word en die sindikate wat hierin betrokke is, stuit vir niks nie.[3] Die boek maak opslae met sy uitbeelding van grafiese geweld en kru taalgebruik, wat alles oortref wat voorheen in hierdie verband in Afrikaans gepleeg is. Desnieteenstaande beïndruk die skrywer se woordvaardigheid en gevatte gesegdes. Hierdie boek is in 2013 op die kortlys vir die toekenning van die Jan Rabie Rapport-prys vir vernuwende werk.

Publikasies[wysig | wysig bron]

Jaar Publikasies
2012 Kaapstad Karma-Polisie ontmoet die Bokke

Bronnelys[wysig | wysig bron]

Resensies[wysig | wysig bron]

  1. Gouws, Tom. Beeld. 16 April 2012
  2. Hambidge, Joan Woorde wat Weeg: http://joanhambidge.blogspot.co.za/2013/04/louis-de-villiers-kaapstad-karma.html
  3. Jansen, Herman: Rapport 4 Maart 2012

Tydskrifte en koerante[wysig | wysig bron]

  • Greeff, Rachelle “Hy’t-die-wêreld-gemoker-en-dit-het-beweeg Junior” “By” 10 Maart 2012

Internet[wysig | wysig bron]