Ludwig Sylow

in Wikipedia, die vrye ensiklopedie
Spring na: navigasie, soek
Ludwig Sylow.

Peter Ludwig Mejdell Sylow (12 Desember 1832 – 7 September 1918) was 'n Noorse wiskundige wat fundamentele resultate in groepteorie bewys het. Hy is in Christiania, hedendaagse Oslo, gebore, en daar het hy ook gesterf.

Sylow was van 1858 tot 1898 'n hoërskoolonderwyser in Halden, Noorweë, en in 1862 was hy 'n instaanlektor by die Universiteit Christiania, waar hy Galois-teorie gelektor het. Dit was gedurende daardie tyd dat hy 'n vraag stel wat tot sy stellings aangaande Sylow-subgroepe sou lei. Sylow het sy Sylow-stellings in 1872 gepubliseer, en het die daaropvolgende agt jaar van sy lewe saam met Sophus Lie aan die projek van die redigeer van sy landsvennoot Niels Henrik Abel se werke gewy.

In 1898 is Sylow as professor aan die Universiteit Christiania aangestel.