Luis Garavito
| Luis Alfredo Garavito Cubillos | ||
| Gebore | 25 Januarie 1957 | |
| Land | Colombia | |
| Bynaam | Die Ondier Tribilín | |
| Misdaad | Reeks kindermoorde | |
| Misdaadbesonderhede | ||
| Slagoffers | 138 bevestig | |
| Metode | Gemartel, verkrag | |
| Vonnisbesonderhede | ||
| Aangekeer | 22 April 1999 | |
| Vonnis | 22,1 jaar tronkstraf | |
Luis Alfredo Garavito Cubillos (geb. 25 Januarie 1957 in Génova, Quindío, Colombia) is ’n Colombiaanse verkragter en reeksmoordenaar van kinders. In 1999 het hy skuld beken aan die verkragting, marteling en moord van 147 jong seuns.[1] Gebaseer op die ligging van geraamtes wat aangedui is op kaarte wat Garavito in die tronk geteken het, kan daar meer as 300 slagoffers wees. Hy is deur die plaaslike media beskryf as "die wêreld se ergste reeksmoordenaar" vanweë sy talle slagoffers.[2]
Die byname wat aan hom gegee is, is La Bestia ("Die Ondier") en Tribilín (Amerikaanse Spaans vir die Disney-karakter Goofy.)
Vroeë lewe en moorde[wysig | wysig bron]
Garavito is op 25 Januarie 1957 in Colombia gebore. Hy is die oudste van sewe broers en is blykbaar as kind fisiek en geestelik deur sy pa mishandel. In sy getuienis sê hy hy was die slagoffer van seksuele misbruik toe hy jonk was.
Sy slagoffers was arm plattelandse en straatkinders tussen die ouderdomme van 8 en 16. Hy het hulle geskenke en klein bedrae geld aangebied. Nadat hy hul vertroue gewen het, het hy hulle saam met hom laat loop en wanneer hulle moeg was, sou hy hulle aanrand en verkrag, hulle keelaf sny en gewoonlik hul ledemate afsny. Die meeste lyke het tekens van uitgerekte marteling getoon.[3]
Arres en vonnis[wysig | wysig bron]
Garavito is op 22 April 1999 in hegtenis geneem. Hy het skuld beken op 140 kindermoorde en is aangekla weens 172 moorde regdeur Colombia.[4] Hy is op 139 van die 172 aanklagte skuldig bevind; die ander is nog hangende. Hoewel die maksimum tronkstraf vir moord in Colombia vermenigvuldig met 139 neerkom op 1 853 jaar, beperk Colombiaanse wetgewing tronkstraf tot 30 jaar. Omdat hy die polisie gehelp het om van die lyke te vind, en ook vanweë sy bekentenisse, is sy vonnis verder verkort tot net meer as 22 jaar.[5] Hy kan selfs nog afslag kry vir goeie gedrag en verdere samewerking.
Openbare reaksie[wysig | wysig bron]
Baie Colombiane kritiseer die moontlikheid dat Garavito vroeg vrygelaat kan word. In onlangse jare voel hulle al hoe meer dat sy vonnis te lig was. Sommige meen hy moes die doodstraf of lewenslange tronkstraf gekry het, maar nie een van dié strawwe bestaan in Colombia nie. Die straf vir sulke grudade in die land is egter intussen tot 60 jaar tronkstraf verleng.[6]
Verwysings[wysig | wysig bron]
- ↑ M. Benecke; Rodriquez, M.; Zabeck, A.; Mätzler, A. (September 2005). "Two Homosexual Pedophile Sadistic Serial Killers:Jürgen Bartsch (Germany, 1946-1976) and Luis Alfredo Garavito Cubillos (Colombia, 1957)" (PDF) (in Engels). 125 (3). Minerva Medicolegale: 153–169. Besoek op 20 Junie 2010.
{{cite journal}}: Cite journal requires|journal=(hulp) - ↑ "World: Americas: Colombian child killer confesses". BBC News (in Engels). BBC Online Network. 30 Oktober 1999. Geargiveer vanaf die oorspronklike op 24 Oktober 2019. Besoek op 20 Junie 2010.
- ↑ (Benecke, pp. 161–162)
- ↑ (Benecke, p. 162)
- ↑ (Benecke, p. 166)
- ↑ "Rebajan la condena del asesino en serie Luis Alfredo Garavito". Geargiveer vanaf die oorspronklike op 4 Junie 2011. Besoek op 10 Maart 2010. (es)
