Lys van ingelyfde NG gemeentes

vanuit Wikipedia, die vrye ensiklopedie.
Spring na: navigasie, soek
Die NG gemeente Parow is in 1917 gestig, maar smelt in 1996 saam met Parow-sentraal as NG gemeente Parow-Nuutbegin. Hierby word Parow-Suid ingelyf. In 2004 smelt Parow-Wes, Tygerberg (waarby Parow-Oos ingelyf is) en Nuutbegin saam as NG gemeente Parow. Dr. W.P. Steenkamp het die kerkgebou in Sarel Cilliersstraat se hoeksteen op 6 September 1930 gelê.
Die Rondebosse NG gemeente waarby albei dogtergemeentes sedert 1989 ingelyf is.
Ná NG gemeente Woodstock by NG gemeente Maitland ingelyf is, huisves die gebou nou 'n Baptistekerk.
Die NG gemeente Maitland, waarby NG gemeente Woodstock ingelyf is.
NG gemeente Die Vlakte se kerkgebou en -saal, op die hoek van Taronga- en Lawsonweg, is nou die Islamitiese Vereniging Rondebosch-Oos se tuiste ná die gemeente by drie buurgemeentes ingelyf is. Twee van hulle, Van Riebeeck en Keurboom is intussen op hulle beurt ingelyf.
NG gemeente Keurboom is ingelyf by NG gemeente Rondebosch in 1990.
NG gemeente Wynberg-Militêr is ingelyf by NG gemeente Wynberg.
Stellenbosch se Studentekerk is ingelyf by die moedergemeente.
Die gebou van die eertydse NG gemeente Boston, nou deel van die Vredelust-gemeente, is deur Wynand Louw ontwerp.
Die eertydse gebou van die NG gemeente Ruyterwacht-Wes, vroeër bekend as Epping-Wes. Ná dié gemeente in 1999 saamgesmelt het by Ruyterwacht (vroeër Eppingtuin), gebruik die nuwe gemeente dié kerkgebou in Saldanhastraat, ontwerp deur Wynand Louw.

'n Lys van al die gemeentes van die Nederduitse Gereformeerde Kerk ingelyf by ander gemeentes, ingedeel volgens die huidige tien sinodes van die kerk, Zimbabwe, wat nie meer 'n afsonderlike sinode is nie, Zambië en Kenia. Die getal NG gemeentes het van 1985 tot begin 2012 met 93 afgeneem van 1246 tot 1153. Amper 200 gemeentes het egter verdwyn, omdat heelwat nuwe gemeentes van bestaande gemeentes afgestig het of nuwe gemeentes deur die samesmelting van bestaande gemeentes ontstaan het. Deur die loop van 2011 het die pas waarteen gemeentes ingelyf, saamgesmelt of ontbind het, oënskynlik toegeneem vergeleke met vorige jare toe meer as 10 gemeentes ophou bestaan het. Van die wat ingelyf is of ontbind het, was De Aar-Suid, Vryburg-Oos, Boksburg, Bloemhof-Oos, Lichtenburg-Noord en -Wes (saamgesmelt), Reitzpark (Welkom), Eloffsdal, Eloffsdal-Wes en Magaliesfort (Pretoria, al drie saamgesmelt), Claremont (Johannesburg) en Ogies. Gemeentes in kursief weergegee, bestaan nie meer nie. By besondere ou gemeentes (binne die verband van hulle sinode) wat ingelyf is, word die stigtingsjaar tussen hakies aangedui.

Inhoud

[wysig] Suid-Afrika

[wysig] Wes-en-Suid-Kaapland

Hoewel die getal gemeentes in die Wes-en-Suid-Kaaplandse Sinode van 1985 tot 2011 van 235 tot 229 afgeneem het, is hier in dié tydperk 15 gemeentes afgestig. Vier gemeentes is in die snel ontwikkelende Suid-Kaap en Overberg afgestig: Danabaai (afgestig van Mosselbaai-Suid in 2004), Onrusrivier (afgestig van Hermanus in 2001), Reebok (afgestig op Klein-Brakrivier in 1999) en Suidpunt (afgestig van Bredasdorp op Struisbaai en L'Agulhas in 1996).

Vyf gemeentes het ontstaan in stadsgebiede wat vinnig uitgebrei het: Brackenfell-Proteahoogte (afgestig in 1987), Sonstraal (afgestig in Durbanville in 1987), Die Gemeenskapskerk (afgestig van Table View in 2006), Parow-Welgelegen (afgestig in 1988), Table View (afgestig in 1986 as Tafelbaai met die verdeling van die gemeente Bloubergstrand). Drie gemeentes het ontstaan aan die Weskus: Langebaan (afgestig van Hopefield in 1988), Grootmist (afgestig van Port Nolloth in 1993) en St Helenabaai (afgestig van Vredenburg in 2005).

Die oorblywende drie was vir spesiale bediening: Riebeek Valley Community Church (gestig in 2006 op Riebeek-Kasteel vir Engelssprekende lidmate), Stellenbosch-Sentraal (afgestig in 1985 vir studente) en Worcester-De la Bat (afgestig vir gehoorgestremde lidmate in 1987).

Hoewel meer as 20 gemeentes ingelyf is, het die gesamentlike getal gemeentes dus met net ses afgeneem en die getal belydende lidmate met 9 000 tot sowat 213 000 toegeneem.

  1. Bellville-Strandweg ingelyf by Bellville-Oos.
  2. Boston ingelyf by Vredelust.
  3. Die Vlakte ingelyf by Keurboom, Van Riebeeck en Rondebosch.
  4. Goodwood-Wes ingelyf by Goodwoodpark.
  5. Kalkbaai ingelyf by Simonstad, toe bekend as Vishoek.
  6. Keurboom ingelyf by Rondebosch.
  7. Kruisvallei (1843) in Oktober 1935 herenig met Tulbagh[1].
  8. Langebaanweg ingelyf by Langebaan.
  9. Okiep ingelyf by Boesmanland.
  10. Oudtshoorn-De Hoop ingelyf by Oudtshoorn-Park.
  11. Oudtshoorn-Zeelandsnek ingelyf by Oudtshoorn-Park.
  12. Parow-Nuutbegin ingelyf by Parow.
  13. Parow-Oos ingelyf by Tygerberg.
  14. Parow-Sentraal ingelyf by Parow-Nuutbegin.
  15. Parow-Suid ingelyf by Parow-Nuutbegin.
  16. Parowvallei-Wes ingelyf by Parowvallei.
  17. Parow-Wes ingelyf by Parow.
  18. Rondevleihoogte ingelyf by Die Vleie.
  19. Ruyterwacht-Wes ingelyf by Ruyterwacht.
  20. Saldanha-Militêr ingelyf by Saldanha.
  21. Simonstad saamgesmelt met Kalkbaai in 1941 as Simonstad-Kalkbaai, later Vishoek geword. Simonstad afgestig in 1974.
  22. Southfield ingelyf by Plumstead.
  23. Studentekerk Stellenbosch ingelyf by Stellenbosch.
  24. Swellendam-Wes ingelyf by Swellendam in 2008.
  25. Tygerberg ingelyf by Parow.
  26. Van Riebeeck ingelyf by Plumstead.
  27. Woodstock ingelyf by Maitland.
  28. Wynberg-Militêr ingelyf by Wynberg.

Die volgende gemeentes se naam het verander:

  • Bellville-Suid → Bellville-Oos
  • Eppingtuin → Ruyterwacht, waarby Ruyterwacht-Wes (voorheen Epping-Wes) ingelyf is
  • Elsiesrivier → Noordweg → Vrijzee
  • Kraaifontein-Die Parke → Parke-gemeente
  • McLachlan → Plettenbergbaai
  • Nieuwe Kerk → Tamboerskloof
  • Noorder-Paarl → Toringkerk
  • Retreat → Zwaanswyk
  • Simonstad, Simonstad-Kalkbaai → Vishoek
  • Tierberg → Parow-Oos → Parow
  • Tiervlei → Parowvallei
  • Tiervlei-Oos → Parowvallei-Oos

[wysig] Oos-Kaapland

Die getal gemeentes in dié sinode het van 1985 tot 2011 gedaal van 114 tot 104. Die enigste nuwe gemeentes was die samesmelting van Oos-Londen-Suid en -Wes as De Brug in 1993 (wat in 2010 ingelyf is by Buffelsrivier), Gonubie by Oos-Londen in 1986, Port Elizabeth-Sherwood in 1987 en eers weer 21 jaar ná die laaste volwaardige stigting met die afstigting in 2008 van Sondagsriviermond van Uitenhage-Oos. Etlike baie oue gemeentes het deur die voortdurende ontvolking van die platteland en deur die destydse regering se beleid om die sogenaamde tuislande te konsolideer, opgehou bestaan. Hulle was onderskeidelik die 77ste, 86ste en 87ste oudste NG gemeentes in die land, asook die NG gemeente Du Plessis, onder meer gesetel op die dorpie Cala in die destydse Transkei. Hulle stigtingsdatums word tussen hakies aangedui. Op 13 September 2010 smelt ook die Middelburg, Oos-Kaap, saam met die dorp se ander NG gemeente, Middelburg-Uitsig, as Middelburg-Karoo. Dit is die oudste gemeente wat tot dusver met 'n ander gemeente saamgesmelt het. Ondanks die verdwyning van 10 gemeentes, het die gemiddelde getal belydende lidmate per gemeente afgeneem van 650 in 1985 tot 552 in 2012 omdat die Sinode se totale aantal belydende lidmate met 22,4% afgeneem het van 74 092 in 1985 tot 57 511 in 2012. In die hele NG Kerk was die afname 13,3%. Net in KwaZulu-Natal (31,9%) was die afname groter.

Oos-Kaapland het dan ook teen 2012 'n groot aantal gemeentes met minder as 200 lidmate gehad waarvan tien vakant was, 11 hul eie leraar gehad het en vier 'n hulpleraar, konkrakleraar of gebruik gemaal het van 'n aangrensende gemeente se leraar: Cathcart 84 (eie leraar), Gamtoosvallei (Patensie) 179 (eie leraar), Glen Lynden 153 (vakant), Hofmeyr 138 (vakant), Indwe 69 (hulpleraar), Jamestown 90 (vakant), Klipplaat 40 (vakant), Loerie 184 (eie leraar), Maclear 140 (eie leraar), Misgund 140 (eie leraar), Mthatha 83 (gekoppelde leraar), Murraysburg 166 (eie leraar), Nieu-Bethesda 58 (bedien deur leraar van Graaff-Reinet), Pearston 105 (vakant), Port Elizabeth-Oos 92 (eie leraar), Port Elizabeth-Sentraal 132 (eie leraar), Rietbron 94 (kontrakleraar), Sondagsriviermond 168 (vakant), Sterkstroom 135 (bedien deur leraar van Molteno), Steynsburg 180 (vakant), Steytlerville 187 (vakant), Stutterheim 195 (eie leraar), Tarkastad 189 (eie leraar), Ugie 137 (eie leraar), Venterstad 96 (vakant), Waterford 47 (vakant). Ses en twintig of te wel presies 'n kwart van Oos-Kaapland het dus teen 2012 tot onder die kritieke drumpel van 200 lidmate gedeel wat in die meeste gevalle sinvolle, afsonderlike voortbestaan baie moeilik maak. Reeds in 2008 het die Sinode van Noord-Kaapland in sy ondersoek na die bediening van klein of afgeleë gemeentes[2] bevind 'n gemeente met een leraar op die laagste kerf se bedryfskoste vir 'n jaar beloop R713 668. Met inflasie van 6 persent per jaar sou dit teen 2012 R955 050 beloop het. Vir 'n gemeente met 200 lidmate kom dit neer op 'n maandelikse bydrae per lidmaat van R398.

  1. Alice (1862) ingelyf by Fort Beaufort.
  2. De Brug ingelyf by Buffelsrivier in 2010.
  3. Du Plessis (1919) ingelyf by Indwe.
  4. Grahamstad (1916) op 1 Maart 2000 ingelyf by Albanie.
  5. Grahamstad-Grenspos ingelyf by Grahamstad.
  6. Greykerk (1862) ingelyf by Fort Beaufort.
  7. Komga (1859) ingelyf by Stutterheim.
  8. Middelburg (1852) en Middelburg-Uitsig smelt 13 September 2010 saam as Middelburg-Karoo.
  9. Noordeinde ingelyf by Port Elizabeth.
  10. Oos-Londen-Suid saamgesmelt met Oos-Londen–Wes as De Brug, in 2010 ingelyf by Buffelsrivier.
  11. Oos-Londen-Wes saamgesmelt met Oos-Londen–Suid as De Brug, in 2010 ingelyf by Buffelsrivier.
  12. Peddie ingelyf by King William's Town[3].
  13. Pondoland ingelyf by waarskynlik Mthata of Cedarville-Matatiele.
  14. Queenstown-Noord en Queenstown–Oos saamgesmelt as Queenstown-Tuine.
  15. Queenstown-Oos en Queenstown–Noord saamgesmelt as Queenstown-Tuine.
  16. Queenstown-Tuine ingelyf by Queenstown.
  17. Rossville ingelyf by Barkly-Oos.
  18. Sidwell ingelyf by Port-Elizabeth-Noord.
  19. Uitenhage-Kanonheuwel waarskynlik omstreeks 2008[4] ingelyf by Uitenhage. (Kerkgebou huisves nou Martus Moi-gemeente[5].)
  20. Visriviervallei (Kookhuis) ingelyf by Somerset-Oos.
  21. Wespark ingelyf by Algoapark-Noord.

Die volgende gemeentes se naam het verander:

  • Maraisburg → Hofmeyr
  • Port Elizabeth-Suid → Walmer

[wysig] Noord-Kaapland

Net vyf geheel en al nuwe gemeentes is van 1985 tot 2011 in dié sinode gestig: Orania in 1999, Vanderkloof op 13 November 2011 afgestig van Petrusville[6], Upington-Blydeville in 1985, Kimberley Bet-El in 2008 (afgestig van Kimberley-Harmonie) en Kimberley-#Gacan op 30 Oktober 2011 (afgestig van Kimberley-Harmonie vir bediening in die San-taal Khwê). Kimberley-Harmonie het in 1999 weens die samesmelting van drie gemeentes ontstaan terwyl Petrusville-Uitsig, voorheen 'n NG Sendinggemeente, voor die ontstaan van die Verenigende Gereformeerde Kerk in 2005 deel geword het van die Noord-Kaaplandse Sinode. Die getal gemeentes het dus met een toegeneem en toe weer op 81 te staan gekom.

  1. De Aar-Suid ingelyf by De Aar in 2011[7].
  2. Hartsvallei ingelyf by Hartskroon in 2006[8].
  3. Marydale ingelyf by Prieska op 1 Maart 2001[9].
  4. Niekerkshoop ingelyf by Prieska op 1 Maart 2001[10].
  5. Sishen ingelyf by Kathu, wat van Sishen afgestig het[11].
  6. Kimberley-Militêr ingelyf by Kimberley-Harmonie in 2002[12].
  7. Kimberley-Noord saamgesmelt met -Suid as Kimberley-Harmonie op 25 Oktober 1999[13].
  8. Kimberley-Suid saamgesmelt met -Noord as Kimberley-Harmonie op 25 Oktober 1999[14].
  9. Vergesig (Copperton) afgestig van Prieska op 9 Maart 1975; ingelyf by Prieska op 22 November 1987[15]
  10. Vryburg-Oos het op 1 Maart 2011 saamgesmelt met Vryburg (1883), nou bekend as Vryburg-Harmonie[16].

Die volgende gemeentes se naam het verander:

  • Boegoeberg → Groblershoop

[wysig] KwaZulu-Natal

Dié sinode het van 1985 tot 2009 byna 'n kwart van sy belydende lidmate en 'n vyfde van sy gemeentes ('n daling van 71 tot 57[17]) verloor. Die totaal sou selfs minder gewees het, as dit nie was dat Pongola (met sy 773 belydende lidmate in 2008) van die Oostelike Sinode na KwaZulu-Natal oorgedra is nie. Geen geheel en al nuwe gemeentes is in dié tydperk afgestig nie. Die laaste afstigting was Krantzkloof buite Durban in 1984.

  1. Babanango (1918) in 1987 ingelyf by Melmoth.
  2. Bloukrans ingelyf by Weenen.
  3. Cedarville eengeword met Matatiele as Cedarville-Matatiele toe die gemeentes in Oktober 1979 van Oos-Kaapland se sinode oorgedra is[18].
  4. Drakensberg ingelyf by Kokstad.
  5. Duisend Heuwels ingelyf by Pietermaritzburg-Suid.
  6. Durban-Noord in Maart 2006 ingelyf by Umhlanga[19].
  7. Durban Reformed Congregation ontbind in 2004.
  8. Durban-Suid saamgesmelt op 1 September 2005 met Montclair as Durban-Oos[20].
  9. Glencoe ingelyf by Glencoe-Oos op 1 Augustus 2000[21].
  10. Glenwood op 15 Maart 1992 eengeword met Port Natal en Berea, maar Berea stig opnuut af in 1997[22].
  11. Hayfields en Pietermaritzburg-Suid smelt saam op 1 Maart 2012.
  12. Matatiele saamgesmelt met Cedarville as Cedarville-Matatiele toe die gemeente in Oktober 1979 van Oos-Kaapland se sinode oorgedra is.
  13. Merrivale in 1999 ingelyf by Pietermaritzburg[23].
  14. Montclair saamgesmelt op 1 September 2005 met Durban-Suid as Durban-Oos[24].
  15. Napierville ingelyf by Pietermaritzburg-Wes op 5 September 1993[25], op sy beurt ingelyf by Pietermaritzburg-Noord op 1 Maart 2000.
  16. Newcastle-Ngagane in 1998 ingelyf by Newcastle-Suid[26].
  17. Noordland (Empangeni) op 1 Desember 2005 saamgesmelt met Empangeni[27].
  18. Pietermaritzburg-Suid en Hayfields smelt saam op 1 Maart 2012[28].
  19. Pietermaritzburg-Wes ingelyf by Pietermaritzburg-Noord[29].
  20. Suid-Natal ingelyf by Kokstad en Cedarville-Matatiele in September 2001[30].
  21. Vryheid-Suid en –Oos saamgesmelt in 1998 as Vryheid-Suidoos[31].

[wysig] Vrystaat

Dié sinode het 'n kwart van sy belydende lidmate tussen 1985 en 2011 verloor: van sowat 132 000 tot sowat 94 000. Die getal gemeentes het egter net met tien tot 160 afgeneem, waarskynlik omdat die ontvolking van die platteland (waar elke dorp in baie gevalle reeds net een gemeente het of waar gemeentes steeds met 'n verminderde aantal lidmate kan funksioneer) nie so geredelik aanleiding gee tot die inlywing van gemeentes nie. Minstens agt gemeentes is egter in dié tydperk in en om Bloemfontein ingelyf.

Nuwe gemeentes in dié tydperk gestig, is Aandbloem in 1999, Leeuwberg in 1998, Studentekerk in 1986, Universitasrif in 1986, Heuwelkruin in 1988 en Woodland Hills NG gemeenskapskerk (31 Oktober 2010, van Heuwelkruin afgestig)[32], almal in Bloemfontein, Deneysville, wat in 1994 van Oranjeville afgestig het, Schonkenville in 2001 by Parys en Witteberge in 1997 op Bethlehem.

  1. Bloemfontein-Oos ingelyf by Ooshoek.
  2. Brandwag ingelyf by Bloemheuwel.
  3. Ficksburg-Noord ingelyf by Ficksburg.
  4. Goldfields Reformed Congregation is ontbind.
  5. Kroonstad-Sarel Cilliers is ontbind.
  6. Merriespruit ingelyf by Virginia-Wes.
  7. Monument ingelyf by Uitsig-Bloemfontein.
  8. Noordrand ingelyf by Hugenoot.
  9. Reitz-Oos ingelyf by Reitz.
  10. Reitzpark (Welkom) ontbind in 2011.
  11. Rodenbeck ingelyf by Ooshoek.
  12. Sasolburg, Sasolburg-Noord en Sasolburg–Wes saamgesmelt as Sasolburg Vier Ankers.
  13. Sasolburg-Noord, Sasolburg en Sasolburg–Wes saamgesmelt as Sasolburg Vier Ankers.
  14. Sasolburg-Wes, Sasolburg en Sasolburg-Noord saamgesmelt as Sasolburg Vier Ankers.
  15. Seinheuwel ingelyf by Bloemfontein-Noord.
  16. Senekal-De Rust ingelyf by Senekal.
  17. Tempe ingelyf by Bloemheuwel.
  18. Viljoensdrif ingelyf by Vaalpark, stig af as afsonderlike gemeente in 2011[33].
  19. Viljoenskroon-Oos ingelyf by Viljoenskroon in 2008.
  20. Virginia-Oos ingelyf by Virginia.
  21. Virginia-Saaiplaas ingelyf by Harmonie.
  22. Welkom-Wespark ingelyf by Welkom-Wes.

[wysig] Wes-Transvaal

Vier nuwe gemeentes is van 1985 tot 2011 in dié sinode in hoofsaaklik stedelike gebied wat snel uitgebrei het, gestig, naamlik Falcon Ridge in 1991, Helikonpark 1986, Klerksdorp-Doringkruin in 1990 en Suikerbos (Drie Riviere-Oos) in 1985. Die totale getal gemeentes het nogtans afgeneem van 148 tot 145 en die getal belydende lidmate van byna 111 000 tot minder as 100 000.

  1. Bedworthpark ingelyf by Kollegepark.
  2. Bloemhof-Oos ingelyf by Bloemhof.
  3. Elkana ingelyf by Vanderbijlpark-Noord.
  4. Glenharvie ingelyf by Westonaria.
  5. Historia ingelyf by Vanderbijlpark-Sentraal (2010).
  6. Klerksdorp (1889) ingelyf by Klerksdorp-Suid.
  7. Kriel (Maraisburg) ingelyf by Florida.
  8. Krugersdorp (7 Junie 1890) saamgesmelt in 2010 met Luipaardsvlei.
  9. Krugersdorp-Suid ingelyf by Suiderlig (voorheen bekend as Krugersdorp-Wes).
  10. Lichtenburg-Wes en Lichtenburg-Noord saamgesmelt op 1 Maart 2011 as Lig en Lewe.
  11. Ontdekkers saamgesmelt met Ontdekkers-Noord as Ontdekkerskruin in 2004.
  12. Ontdekkers-Noord saamgesmelt met Ontdekkers as Ontdekkerskruin in 2004.
  13. Oos-Driefontein ingelyf by Carletonville.
  14. Randfontein (1939) ingelyf by Randfontein-Noord.
  15. Vereeniging-Suid ingelyf by Vereeniging.
  16. Voorwaarts ingelyf by Arconpark.

Die volgende gemeentes se naam het verander:

  • Krugersdorp-Wes → Suiderlig
  • Meyerton-Suid → Olyfdal
  • Noordwesrand → Muldersdrif
  • Potchefstroom-Suid → Suiderkruis
  • Risiville → Coram Deo
  • Roodepoort-Oos → Veranderde Lewens
  • Vereniging-Oos → Kerk tussen die Mielielande

[wysig] Noordelike Sinode

Die mees opvallende verskynsel in dié Sinode, wat eers bekend gestaan het as die Sinode van Noord-Transvaal, is die verdwyning van vyf van die middestadse gemeentes in Pretoria. In 1985 het die gemeentes Pretoria, Bronberg, Burgerspark, Arcadia, Meintjeskop en Harmonie 'n gesamentlike lidmaattal van byna 17 000 gehad. Trouens, net Meintjeskop (ook die eerste van die gemeentes wat ingelyf is) het minder lidmate gehad as die lidmaattal van die enigste oorblywende gemeente in 2008, Pretoria, waarby al die ander gemeentes mettertyd ingelyf is. Daar was in 2008 meer as tien keer minder lidmate in die gebied wat eers die ses gemeentes beslaan het, en wat in 2008 almal deel gevorm het van die gemeente Pretoria. Die geweldige afname in die NG lidmaattal kan toegeskryf word aan die grootskaalse verhuising van Afrikaanssprekendes uit stadsbuurte soos Arcadia, Sunnyside en die middestad self. Hulle plek is in die meeste gevalle ingeneem deur swart inwoners wat met die skrapping van die Groepsgebiedewet die eerste keer die geleentheid gekry het om na aan hulle werksplek in die middestad te kom woon. Dieselfde neiging het in die weste van die stad gebeur, waar die gemeentes Pretoria-Wes, Kwaggasrand en Ebenhaéser by Wespoort[34] ingelyf is. Van 1990 tot 2011 het die getal gemeentes van 139 tot 112 (Midde-Afrika uitgesluit) verminder.

  1. Akasia ingelyf by Wonderpark.
  2. Andrew Murray ingelyf by Lynnwood, herstig in 2006.
  3. Arcadia ingelyf by Pretoria.
  4. Bronberg ingelyf by Pretoria.
  5. Burgerspark ingelyf by Pretoria.
  6. Capital Park-Oos saamgesmelt met Capital Park as Capital Park-Concordia.
  7. Ebenhaéser ingelyf by Wespoort.
  8. Eloffsdal, in 1908 gestig as tweede gemeente in Pretoria, in 2011 saamgesmelt met Eloffsdal-Wes en Magaliesfort as Mootvallei.
  9. Eloffsdal in 2011 saamgesmelt met Eloffsdal en Magaliesfort as Mootvallei.
  10. Harmonie ingelyf by Pretoria.
  11. Hartbeeshoek ingelyf by Wonderpark.
  12. Hartbeesspruit saamgesmelt op 13 September 1998 met Queenswood as Hartbeesspruit-Queenswood[35].
  13. Jakaranda ingelyf by Riviera as Riviera-Jakaranda.
  14. Kwaggasrand ingelyf by Wespoort.
  15. Lugmagbasis-Pietersburg ingelyf by Renosterpoort.
  16. Lugmaggimnasium ingelyf by Valhalla.
  17. Magaliesfort in 2011 saamgesmelt met Eloffsdal en Eloffsdal-Wes as Mootvallei.
  18. Meintjeskop ingelyf by Arcadia, op sy beurt by Pretoria.
  19. Monavoni in 1996 ingelyf Raslouw[36][37].
  20. Nederlandstaligen (Petrakerk) ingelyf by Pretoria-Oos.
  21. Phalaborwa-Noord ingelyf by Phalaborwa.
  22. Pretoria-Noord (1928) ingelyf by Floraunapark, nou Florauna.
  23. Pretoria-Kollegerand ingelyf by Universiteitsoord.
  24. Pretoria-Polisiekollege ingelyf by Wespoort.
  25. Pretoria-Wes (1925) ingelyf by Wespoort.
  26. Queenswood saamgesmelt met Hartbeesspruit as Hartbeesspruit-Queenswood.
  27. Rustenburg-Voorspoed ingelyf by Rustenburg.
  28. Schanshoogte ingelyf by Valhalla.
  29. Sonop ingelyf by Brits.
  30. Tek ingelyf by (onbekend).
  31. Villieria-Oos ingelyf by Waverley.
  32. Voortrekkerhoogte ingelyf by Skanskop as Schanshoogte, op sy beurt ingelyf by Valhalla.
  33. Voortrekkerhoogte-Oos ingelyf by Skanskop as Schanshoogte, op sy beurt ingelyf by Valhalla.
  34. Voortrekkerhoogte-Wes ingelyf by Skanskop as Schanshoogte, op sy beurt ingelyf by Valhalla.

Die volgende gemeentes se naam het verander:

  • Floraunapark → Florauna, ná inlywing van Pretoria-Noord
  • Potgietersrus-Suid → Hulp en Hoop Gemeenskapskerk
  • Rustenburg-Noord → Northam

[wysig] Hoëveld

Wat in Kaapstad se suidelike voorstede, die middestad en weste van Pretoria, die Bloemfonteinse, Durbanse, Klerksdorpse, Boksburgse, Albertonse en Germistonse middestad gebeur het, het ook in Johannesburg gebeur toe voormalige blanke groepsgebiede betrek is deur meesal swartes, wat voorheen ver buite die stad in townships moes woon. In Johannesburg was die geografiese gebied waarin dié neiging voorgekom het, net baie groter, en het dit tot die verdwyning van byna 20 gemeentes gelei. Afrikaanssprekendes het uit talle dele oos, wes, noord en suid van die middestad na verder geleë gebiede verhuis, terwyl die teenoorgestelde gegeld het vir swart inwoners.

In die ooste van die Goudstad is Belgravia eers by Malvern ingelyf en Bezuidenhoutsvallei by Jeppestown, waarna Malvern en Jeppestown as Kensington saamsmelt in 1992. In die weste het Aucklandpark met Melville saamgesmelt, terwyl sewe gemeentes, waaronder Cottesloe, Mayfair, Fordsburg, Langlaagte, Crosby-Wes, Johannesburg-Wes en Brixton, uiteindelik regstreeks of onregstreeks in die enkele gemeente Vergesig verenig is. In die noorde en noordooste is Johannesburg-Sterrewag en Noordoosrand by Johannesburg-Noord ingelyf en in 1999 smelt die gemeente saam met die Andrew Murray Congregation, wat tans hoofsaaklik 'n Engelstalige gemeente is, terwyl Parkhurst by Parksig ingelyf is, waarna dit Parkkruin geword het. In die suide is Johannesburg-Suid en Turffontein verenig as Deo Gloria. Rosettenville en Suid-Rand is ingelyf by Klipriviersberg en Doornkop by Mondeor.

In die Johannesburgse middestad het die gemeentes Johannesburg en Johannesburg-Oos (die sogenaamde Irenekerk) in 1985 nog saam meer as 2 000 lidmate gehad. Aucklandpark (1995) en Johannesburg-Oos (1997) is later by Johannesburg ingelyf, maar uiteindelik het Aucklandpark met Melville saamgesmelt as die Melville Kruisgemeente. In die verkleinde Johannesburgse gemeente (wat in die sogenaamde Irenekerk van die ou Johannesburg-Oos dienste hou) was daar in 2008 minder as 200 lidmate oor en in 2011 60.

Aan die Oos-Rand is die sesde (Boksburg, 1894), tiende (Germiston, 1899), vyftiende (Alberton, 1916)[38] en 25ste (Boksburg-Noord, 1936) oudste gemeentes in die Sinode by dogtergemeentes ingelyf vanweë die verandering in dié gebiede se demografie. Ook aan die Oos-Rand is Kemptonpark-Wes by Edleen ingelyf is, Randpark by Alberton-Suid, Springs-Sentraal by Selectionpark, Edenvale-Noord by Edenvale, Elandspoor by Primrose-Môrewag, Esselenpark by Birchleigh-Noord, Benoni-Wes by Benoni, Karee by Dunnottar, Brakpan-Suid by Brakpan-Wes en Leondale by Elsburg-Suid.

Nuwe gemeentes tussen 1985 en 2009 gestig, is Andrew Murray Senderwood (in 2005 vir Engelssprekende lidmate), Birchleigh-Noord (in 1986), Deo Gloria (uit Johannesburg-Suid en Turffontein in 1994), Effata-vir-Dowes (in 1991), Kensington (wat in 1993 uit die samesmelting van Jeppestown en Malvern ontstaan het) en Trichardt (in 1987). Die getal gemeentes in die sinodale gebied het gedaal van 145 in 1985 tot 128 in 2008 en 121 in 2012. Die NG Kerk se Jaarboek gee dit in sy 2012-uitgawe foutief aan as 123. Ook stem die statistiek agterin die Jaarboek nie ooreen met die syfers in die Jaarboek se afdeling met gemeentebesonderhede nie: Die belydende lidmate agterin die boek is 85 918, maar al die gemeentes se belydende lidmate saamgetel, is 88 138. Dit is nietemin 'n merkwaardige afname sedert die 2010-syfer van 92 502 en 1995 se 102 751. Die jaarlikse afname sedert 1995 was 860, maar dit is blykbaar aan die versnel, want van 2005 tot 2012 was die afname 1 161 per jaar en van 2010 tot 2012 'n volle 2 182 per jaar. As die afname teen dié tempo voortduur, sal daar teen 2052 nie 'n enkele lidmaat in die Hoëveldse Sinode oorbly nie.

  1. Alberton (1916) ingelyf by Alberton-Wes op 28 November 2010[39].
  2. Andrew Murray saamgesmelt met Johannesburg-Noord as Johannesburg-Noord/Andrew Murray en van November 2011 af bekend as net Andrew Murray.
  3. Aucklandpark ingelyf by Johannesburg, later by Melville.
  4. Belgravia ingelyf by Malvern.
  5. Benoni-Wes ingelyf by Benoni.
  6. Bezuidenhoutsvallei ingelyf by Jeppestown.
  7. Boksburg (1894) ingelyf by Boksburg-Suid in 2011.
  8. Boksburg-Noord (1936) ingelyf by Boksburg-Oos.
  9. Brakpan-Suid ingelyf by Brakpan-Wes.
  10. Brixton saamgesmelt met Johannesburg-Wes as Vergesig.
  11. Claremont op 28 Augustus 2011 ingelyf by Waterval[40].
  12. Cottesloe ingelyf by Brixton.
  13. Crosby-Wes ingelyf by Vergesig.
  14. Doornkop ingelyf by Mondeor.
  15. Edenvale-Noord ingelyf by Edenvale.
  16. Elandspoor ingelyf by Primrose-Môrewag.
  17. Esselenpark ingelyf by Birchleigh-Noord.
  18. Evander-Wes ingelyf by Evander.
  19. Fordsburg (1896) sien Goudstad.
  20. Germiston ingelyf by Lambton.
  21. Goudstad (voorheen Fordsburg, waarby Mayfair vroeër ingelyf is) saamgesmelt met Langlaagte as Goudlaagte, waarvan die naam spoedig weer Langlaagte geword het.
  22. Jeppestown (1897) en Malvern saamgesmelt as Kensington.
  23. Johannesburg-Oos (1897) ingelyf by Johannesburg.
  24. Johannesburg-Sterrewag ingelyf by Johannesburg-Noord.
  25. Johannesburg-Suid saamgesmelt met Turffontein (1906) as Deo Gloria.
  26. Johannesburg-Wes saamgesmelt met Brixton as Vergesig.
  27. Kemptonpark-Wes ingelyf by Edleen.
  28. Karee ingelyf by Dunnottar.
  29. Langlaagte (1892) ingelyf by Vergesig.
  30. Leondale ingelyf by Elsburg-Suid.
  31. Lougherin ingelyf by Mondeor[41].
  32. Malvern en Jeppestown (1897) saamgesmelt as Kensington.
  33. Noordoos-Rand ingelyf by Johannesburg-Noord.
  34. Parkhurst ingelyf by Parksig, nou Parkkruin.
  35. Portugese gemeente Johannesburg het ontbind.
  36. Randpark ingelyf by Alberton-Suid[42].
  37. Rosettenville ingelyf by Klipriviersberg.
  38. Springs-Sentraal by Selectionpark.
  39. Suid-Rand ingelyf by Klipriviersberg.
  40. Turffontein (1906) saamgesmelt met Johannesburg-Suid as Deo Gloria[43].
  41. Vaste Burg ingelyf by Heidelberg.

Die volgende gemeentes se naam het verander:

  • Ferndale → Randburg
  • Geduld-uitbreiding → Springs-Noord
  • Johannesburg-Noord → Andrew Murray
  • Parksig → Parkkruin Familiekerk

[wysig] Oostelike Sinode

Die voormalige Oos-Transvaalse Sinode het van 1985 tot 2012 'n merkwaardige toename van 21 000 belydende lidmate tot 99 000 beleef, die enigste Sinode buiten Wes-en-Suid-Kaapland waar die getal lidmate nié afgeneem het nie. Dit is ondanks die insluiting by KwaZulu-Natal van Pongola. Die toename was hoofsaaklik in die oostelike dele van Pretoria, waar talle makrogemeentes, onder meer die grootste gemeente van die Nederduitse Gereformeerde Kerk, die NG gemeente Moreletapark, geleë is. Die getal gemeentes het egter van 90 met vier tot 86 afgeneem, hoofsaaklik omdat die neiging hier was om bestaande gemeentes se getal lidmate te laat toeneem sonder dat nuwe gemeentes afgestig word. Die enigste uitsonderings was Verwoerdburgstad (nou kerksondermure, met 11 600 doop- en belydende lidmate in 2010 en 12 456 in 2012) in 1986, wat in 'n heel nuwe stadsdeel ontstaan het, Lux Mundi (voorheen Garsfontein-Oos) in 1988[44], Moreletapark in 1985 en Valleisig in 1989. Saam het die vier gemeentes in 2012 26 368 belydende lidmate gehad, net 80 minder as KwaZulu-Natal se 57 gemeentes. Die gemiddelde getal belydende lidmate van sowat 1 150 per gemeente (in 2012) is daarom ook veel groter as dié van die kerk as geheel se sowat 717. Die enigste ander afstigtings was Krugerwildtuin in 1986 en Dennesig op Middelburg in 1991.

  1. Bremersdorp, Swaziland, ingelyf by Goedgegun, Swaziland.
  2. Camden ingelyf by Ermelo-Oos.
  3. Drakensig (militêre gemeente) ingelyf by Kampersrus.
  4. Dullstroom ingelyf by Belfast.
  5. Esselenpark ('n gemeente vir die spoorwegopleidingsentrum Esselenpark[45]) ingelyf by Birchleigh-Noord (Hoëveldse Sinode).
  6. Machadodorp en Waterval-Boven saamgesmelt as Machado-Boven.
  7. Phalaborwa ingelyf by Phalaborwa-Noord onder die naam Phalaborwa.
  8. Ogies[46] ingelyf by Witbank-Suid in 2011.
  9. Silverton ingelyf by Skuilkruis.
  10. Silvertonpark ingelyf by Meyerspark.
  11. Waterval-Boven en Machadodorp saamgesmelt as Machado-Boven.
  12. Witbank-Park ingelyf by Witbank-Vallei.

Die volgende gemeentes se naam het verander:

  • Garsfontein-Oos → Lux Mundi
  • Middelburg-Wes → Ligkruis
  • Verwoerdburgstad → kerksondermure

[wysig] Namibië

Dié sinode se gemeentes is van 1985 tot 2009 deur drie tendense gekenmerk. Eerstens het 'n verandering in die demografie van die land se hoofstad, Windhoek, meegebring dat twee gemeentes in die noordweste van die stad eers saamgesmelt het as Windhoek-Noordland en toe by die gemeente Windhoek-Wes ingelyf is. Windhoek-Wes het egter in 2012 net 345 minder lidmate gehad as die drie gemeentes se totaal in 1985. Tweedens het alle dorpe op twee na (Walvisbaai met drie en Gobabis met twee), wat vroeër meer as een gemeente gehad het, in 2008 net een gehad, te wete Keetmanshoop, Outjo, Mariental, Otjiwarongo, Grootfontein en Tsumeb. Derdens het die gemeentes Luhebu-Noord (1988), Western Caprivi (1986) en Wildevy (1984) uit sendingbedrywighede ontstaan terwyl Tsumkwe (1961) deel van die Sinode geword het. Die enigste nuwe gemeente in die tydperk van 1985 af was Hentiesbaai in 1995, terwyl Verre Noord, wat in 1970 op Oshakati gestig is tydens die Grensoorlog, en later by Tsumeb ingelyf is, weer in 2006 afgestig het. Die getal gemeentes het net van 45 afgeneem tot 44, hoewel die belydende lidmate met sowat 20% afgeneem het. Die getal bly egter die laaste jare konstant, anders as in die meeste ander Sinodes.

  1. Keetmanshoop-Noord ingelyf by Keetmanshoop.
  2. Mariental-Suid ingelyf by Mariental.
  3. Moria-Grootfontein ingelyf by Grootfontein.
  4. Otjiwarongo-Suid ingelyf by Otjiwarongo.
  5. Outjo-Wes ingelyf by Outjo.
  6. Tsumeb-Suid ingelyf by Tsumeb.
  7. Verre Noorde ingelyf by Tsumeb, in 2006 weer afgestig.
  8. Walvisbaai-Vesting ingelyf by Walvisbaai-Meersig (Junie 1979[47]).
  9. Windhoek-Hoogland en Windhoek–Noord saamgesmelt as Windhoek-Noordland.
  10. Windhoek-Noord en Windhoek–Hoogland saamgesmelt as Windhoek-Noordland.
  11. Windhoek-Noordland ingelyf by Windhoek-Wes.

[wysig] Zimbabwe

Die huidige getal gemeentes in Zimbabwe weerspieël nié die drastiese afname in die getal lidmate sedert die land se ekonomiese verval vroeg in die een-en-twintigste eeu begin het nie. Die destydse Sinode van Midde-Afrika het in 1985 uit sestien gemeentes bestaan. Intussen het die gemeente in Lusaka oorgeskuif van die Vrystaatse Sinode, waar dit deel was van die ring van Bloemfontein-Noord, om eers 'n gemeente van die Sinode van Midde-Afrika te word en tans te ressorteer onder die Ring van Midde-Afrika binne die Noordelike Sinode. Die laaste nuwe gemeentes in dié land is in 1976 (Chegutu en Kwekwe) en 1978 (Harare se Engelse gemeente wat tans die Cornerstone Congregation is) afgestig. Met die gedurige afname in lidmaattal (van altesaam byna 3000 in 1985 tot sowat 1 100 in 2012) het die getal gemeentes ook afgeneem van 16 tot 13.

  1. Bindura ingelyf by Harare.
  2. Bulawayo-Noord ingelyf by Bulawayo.
  3. Gweru ingelyf by Kadoma.
  4. Harare-Suid (1954) ingelyf by Harare.
  5. Hwange ingelyf by Bulawayo-Noord (1952).
  6. Karoi (1968) saamgesmelt met Chinhoyi (1949) as Chinhoyi/Karoi.
  7. Kwekwe (1976) ingelyf by Kadoma (1943).
  8. Rusape (1949) saamgesmelt met Marondera (1951) as Marondera-Rusape.

Die volgende gemeentes se naam het verander:

[wysig] Zambië

Al 10 die Zambiese gemeentes is mettertyd by Lusaka ingelyf, maar in 1998 stig 'n afsonderlike gemeente weer af op Kitwe vir die noorde van die land, waar die NG gemeente Nkana vroeër gesetel was. Die nuwe gemeente heet Dutch Reformed Church in Zambia Nkhana. Die 10 ingelyfde gemeentes was:

  1. Broken Hill (later as Kabwe bekend)
  2. Chingola
  3. Livingstone
  4. Luanshya
  5. Mufulira
  6. Ndola
  7. Nkana
  8. Fort Jameson ingelyf by Lusaka-Oos
  9. Lusaka-Oos (sien Lusaka)
  10. Mazabuku

[wysig] Kenia

Die twee gemeentes in Kenia het saam met die Afrikaanse bevolking verdwyn. Hulle was Loubser op Thomson's Falls en Vergenoeg op Eldoret.

[wysig] Tanzanië

Meru is in 1905 gestig en het die hele destydse Tanganjika beslaan.

[wysig] Verwysings

  1. ^ Die Burger
  2. ^ Gemeentes.co.za
  3. ^ NG Kerk-webtuiste
  4. ^ Martus Moi-gemeente se verhaal
  5. ^ Alexanderstraat, Uitenhage
  6. ^ Sinode Noord-Kaapland
  7. ^ Sinode Noord-Kaapland
  8. ^ Sinode Noord-Kaapland
  9. ^ Sinode Noord-Kaapland
  10. ^ Sinode Noord-Kaapland
  11. ^ Sinode Noord-Kaapland
  12. ^ Sinode Noord-Kaapland
  13. ^ Sinode Noord-Kaapland
  14. ^ Sinode Noord-Kaapland
  15. ^ Sinode Noord-Kaapland
  16. ^ Sinode Noord-Kaapland
  17. ^ NG Kerk in KwaZulu-Natal
  18. ^ Sinode van KwaZulu-Natal
  19. ^ Sinode van KwaZulu-Natal
  20. ^ Sinode KZN
  21. ^ Sinode van KwaZulu-Natal
  22. ^ Sinode van KwaZulu-Natal
  23. ^ Sinode van KwaZulu-Natal
  24. ^ Sinode KZN
  25. ^ Pietermaritzburg-Noord se geskiedenis
  26. ^ Beeld
  27. ^ NG gemeente Empangeni se geskiedenis
  28. ^ Nuusbrief van Sinode van KwaZulu-Natal
  29. ^ Sinode KZN
  30. ^ Sinode van KwaZulu-Natal
  31. ^ Sinode van KwaZulu-Natal
  32. ^ Gemeente se webtuiste
  33. ^ Kerkgebou van Viljoensdrif op Google Maps
  34. ^ NG gemeente Wespoort
  35. ^ WikiUP
  36. ^ Beeld
  37. ^ NG gemeente Raslouw se webwerf
  38. ^ Gemeentegeskiedenis
  39. ^ Webwerf van Alberton-Wes
  40. ^ Die Kerkbode se webwerf
  41. ^ NG Kerk-webtuiste
  42. ^ Alberton-Suid se webwerf
  43. ^ Beeld
  44. ^ Luxmundi.org.za
  45. ^ Railways Africa
  46. ^ Oostelike Sinode se webwerf
  47. ^ NG gemeente Walvisbaai-Meersig se geskiedenis

[wysig] Bronne

  • Olivier, ds. P.L., Ons gemeentelike feesalbum. Kaapstad en Pretoria: N.G. Kerk-uitgewers, 1952.
  • Symington, Johan (et. al.), Jaarboek van die NG Kerke, Tydskriftemaatskappy, Kaapstad en Wellington, 1985, 2008, 2009.

[wysig] Sien ook

Ontsluit van "http://af.wikipedia.org/w/index.php?title=Lys_van_ingelyfde_NG_gemeentes&oldid=962152"
Persoonlike gereedskap
Naamruimtes

Variante
Aksies
Navigasie
Gereedskap