Maori
in Wikipedia, die vrye ensiklopedie
(Aangestuur vanaf Māori)
| Māori | |
|---|---|
         |
|
| Totale bevolking: | omstreeks 790 000 |
| Belangrike bevolkings in: |  Nieu-Seeland 663 900 Australië 110 000 Verenigde Koninkryk 8 000 Verenigde State <3 500 Kanada 1 305Ander gebiede 8 000 |
| Taal: | Māori, Engels |
| Geloofsoortuiging: | Christendom, Māori-godsdienste |
| Verwante etniese groepe: | Ander Polinesiese volke, Austronesiese volke |
Die Māori (ˈmaːɔ.ɾi) is die inheemse Polinesiese bevolking van Nieu-Seeland (Aotearoa). Hulle het oorspronklik voor 1300 n.C. in verskillende immigrasiegolwe vanuit Oos-Polinesië na Nieu-Seeland gekom.
Oor eeue van afgeskeidenheid het die Māori hul eie unieke kultuur en taal, 'n ryke mitologie, unieke ambagte en uitvoerende kunsvorme ontwikkel. Hulle het 'n stamgebaseerde samelewing volgens hul Polinesiese tradisies en maatskaplike organisasie gevorm. Danksy ingevoerde plantspesies en kultivare het hulle landbou in Nieu-Seeland beoefen. Ná 1450 het 'n krygerkultuur met versterkte nedersettings na vore getree.
