MTN

in Wikipedia, die vrye ensiklopedie
Spring na: navigasie, soek
'n MTN-firmavoertuig in Kampala (Uganda).
'n MTN mobiele winkel in Suid-Afrika.
MTN se internasionale praktyke.

MTN is 'n multinasionale mobiele telekommunikasiefirma wat in Suid-Afrika gebaseer is en in 21 lande besigheid bedryf, hoofsaaklik in Afrika en die Midde-Ooste.[1][2] MTN se president en HUB is Phuthuma Nhleko. Die maatskappy borg onder andere die CAF Champions Leage-voetbalkompetisie.

Finansiële prestasie[wysig]

MTN het 'n sterk finansiële prestasie vir die finansiële tydperk geëindig 31 Desember 2008 voortgebring. Dit word toegeskryf aan 'n sterk groei in mobiele intekenaars van 48%, hoofsaaklik as gevolg van MTN Iran met 10 miljoen nuwe intekenare en MTN Nigerië met 6,6 miljoen nuwe intekenare, verhoogde kapitale beleggings in infrastruktuur, en verhoogde diensverspreiding.

Die maatskappy het geweldige beleggings in infrastruktuur gemaak wat hom 'n kompeterende voordeel oor mededingers gegee het, alhoewel dit egter 'n negatiewe impak op die winsgewendheid van bates gehad het. Verskeie faktore het die Groep se uitgawes in verhouding met inkomste opgejaag: netwerk-instandhoudingskoste is hoër, brandstofkoste is hoër, en regulasieheffings is ook hoër.

Opbrengs per aandeel het met 43% toegeneem tot 836,5 c vir die tydperk geëindig 31 Desember 2008. Netto handelsresultate is 'n 15%-hupstoot gegee nadat die Rand teenoor die VS$ verswak het en dit moontlik gemaak het vir verhoogde appresiasie van inkomste vanuit Afrika- en Middeloosterse lande.

Omset het in 2008 met 40% toegeneem tot R102,5 biljoen vanaf R73,1 biljoen in 2007 as gevolg van sterk groei in die aantal intekenaars, asook verhoogde appresiasie van handelsgeldeenhede teenoor die Rand. MTN Iran se inkomste voor rente, belasting, waardevermindering en amortisasies (skulddelding) (IVRBWA) het vanaf negatief 13,4% in 2007 tot positief 30,2% in 2008 gestyg. Suid-Afrikaanse IVRBWA is twee persentasiepunte op 32,8% laër as die vorige jaar as 'n gevolg van verhoogde belegging in diensverspreiding. Hierdie verlaging word daarbenewens ook toegeskryf aan hoër OPEX-koste en 'n toename in selfoonkoste in vergelyking met wisselkoerse. IVRBWA in Soedan, Ghana en Sirië is laër in vergelyking met 2007.

Waardevermindering vir die jaar het met R3,2 biljoen tot R9,9 biljoen vir die tydperk geëindig 31 Desember 2008 toegeneem as gevolg van die Groep se toename in waardeverminderbare bates — hoofsaaklik infrastruktuur — om die Groep se groeipotensiaal te verhoog. Opbrengs per intekenaar het in die tydperk geëindig 31 Desember 2008 afgeneem omdat penetrasie in laë-gebruiksareas uitgebrei is. As gevolg van sterk groei in die omset het die Groep se inkomste voor belasting, waardevermindering en amortisasie (skulddelging) (IVRBWA) in 2008 met 36% tot R43,2 biljoen gestyg. Finansieringskoste het met 40% tot R1,9 biljoen gedaal as gevolg van veranderende wisselkoerse.

Balansstaat[wysig]

Bates, kontant uitgesluit, het met 44% tot R141,4 biljoen toegeneem. Dit is as gevolg van 'n styging in grond en geboue en toerusting van R24,7 biljoen asook die impak van R6,7 biljoen as gevolg van die verswakking in die Rand. Handelsdebiteure het met R3,4 biljoen toegeneem en voorraad met R1,2 biljoen, waarvan R700 miljoen in Suid-Afrika was om dienste in die pre- en post-betaalde mark te verbeter.

Kontantvloei[wysig]

Kontant deur bedrywighede voortgebring het tot R44,8 biljoen vanaf R34,3 biljoen gestyg. Dit word toegeskryf aan die sterk bedryfsprestering asook die swakker Rand. In April 2008 het die Groep 'n dividend van R2,5 biljoen uitbetaal. Netto kontantvloei vir die jaar was egter R7,4 biljoen voordat wisselkoersimpak van R2,7 biljoen in aanmerking geneem word.

Korporatiewe sosiale belegging[wysig]

Op MTN se webwerf en in die amptelike finansiële oudit word geen inligting verskaf rakende die Groep se betrokkenheid in die gemeenskap nie en geen verwysing word tot die King-verslag gemaak nie. 'n Swart ekonomiese bemagtiging- (SEB) transaksie sou in die derde kwartaal van die nuwe finansiële tydperk (2009) plaasgevind het, maar die Groep het na oorweging die transaksie deur die mat laat val omdat dit volgens hulle nie in die belang van die Groep of SEB-beleggers sou wees nie.

Eksterne skakels[wysig]

Verdere leesstof[wysig]

Verwysings[wysig]

  1. TV advertisement repeatedly shown on Al Jazeera English in January 2007 included the above quote and the statement "now in 21 countries".
  2. http://www.mtn.com/mtn.group.web/explore/CEO/CEO.asp MTN website