MTV

in Wikipedia, die vrye ensiklopedie
Spring na: navigasie, soek

MTV (Music Television) is 'n Amerikaanse kabeltelevisienetwerk wat in New York Stad gebaseer is en op 1 Augustus 1981 gelanseer is.[1] Die oorspronklike doel van die kanaal was om musiekvideo's onder begeleiding van op-die-lug-aanbieders, ook bekend as VJ's, te speel.[2] Vandag speel MTV steeds 'n beperkte keur musiekvideos, maar die kanaal saai nou hoofsaaklik 'n verskeidenheid popkultuur- en werklikheidsreekse uit wat op jong volwassenes en tieners gemik is.

Sedert sy première het MTV 'n aansienlike impak op die musiekindustrie en popkultuur gehad. Slagspreuke soos "I want my MTV" (Afrikaans: Ek wil my MTV hê) het in die openbare bewussyn wortel geskiet, die konsep van die VJ is gepopulariseer, die idee van 'n toegewyde videogebaseerde uitlaat vir musiek is ingelei, en beide musici en aanhangers het 'n sentrale lokasie vir musiekgeleenthede, nuus en promosie gevind. MTV word ook tallose male deur musici, ander TV-kanale en TV-reekse, rolprente en boeke in popkultuur na verwys.

MTV het die ontstaan van vele susterkanale in die VSA en geaffilieerde kanale internasionaal tot gevolg gehad. MTV se morele invloede op jongmense, insluitende kwessies rakende sensor en sosiale aktivisme, is al jarelang 'n onderwerp van debat. MTV se besluit om op nie-musikale programmering te fokus, is ook sedert die 1990s geweldig met kritiek gekap, wat weer eens die kanaal se teenwoordigheid in popkultuur beklemtoon.

Verwysings[wysig]

  1. [1]
  2. CNN - MTV changed the music industry on August 1, 1981 - July 31, 1998”.

Eksterne skakels[wysig]