Magda Beukes

in Wikipedia, die vrye ensiklopedie
Magda Beukes Embrey
Nasionaliteit Suid-Afrika
Beroep(e) Aktrise
Webwerf http://magdabeukes.com/
Internet-rolprentdatabasis-profiel

Magda Beukes is 'n Suid-Afrikaanse aktrise wat bekend is vir haar rolle in Afrikaanse rolprente en TV-sepies. Sy het twee Rapport Oscar's ontvang, asook 'n Artes-prys vir haar spel as Gina Ekdal in Stephan Bouwer se TV-produksie van Henrik Ibsen se Die wilde eend.[1]

Beukes het as 'n toneelspeler by die eertydse Truk aangesluit en daarna vryskutwerk gedoen. Sy het reeds as student aan die Universiteit van Pretoria die rol van Yvette teenoor Anna Neethling-Pohl in die titelrol van Bertolt Brecht se Moeder Courage vertolk (vertaal deur Fred Steyn, onder regie van Hannes Horne). Sy het ook verskeie eenvrouvertonings geskryf en vervaardig.

In 1982 verruil sy die vermaaklikheidsbedryf om opheffingswerk in Mosselbaai te doen, waar sy 'n dramagroep onder tieners op die been bring. Daarna het sy haar toegespits op televisie-optredes, onder andere in die rol van Kleintjie Smit in Amalia I en II, en kleiner rolle teenoor Eckardt Rabe en Brümilda van Rensburg in Egoli, asook in Scandal. Haar huidige rol is as Marina Verwey in Binnelanders.

Filmografie[wysig | wysig bron]

Enkele van die rolprente waarin sy opgetree het:

TV-optredes:

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8