Maleis

in Wikipedia, die vrye ensiklopedie
(Aangestuur vanaf Maleisies)
Hierdie artikel handel oor die taal. Vir die etniese groep, sien Maleiers.
Maleis
Bahasa Melayu, بهاس ملايو
Gepraat in: Vlag van Indonesië Indonesië
Vlag van Maleisië Maleisië
Vlag van Broenei Broenei
Vlag van Singapoer Singapoer
Vlag van Thailand Thailand
Vlag van Oos-Timor Oos-Timor
Flag of Christmas Island Kerseiland
Vlag van Kokoseilande Kokoseilande 
Gebied: Suidoos-Asië
Totale sprekers: 60,5 miljoen (moedertaal)
200–250 miljoen (tweede taal)[1]
Taalfamilie: Austronesies
 Maleis-Polinesies
  Kern-Maleis-Polinesies
   Maleis-Soembawa
    Maleis
     Malay
      Maleis 
Skrifstelsel: Latynse alfabet (algemeen)
Arabiese alfabet (Jawi)
Thai-skrif (Thailand)
Pallava, Kawi, Rencong (histories) 
Amptelike status
Amptelike taal in: ASEAN
Vlag van Broenei Broenei (as Brunei Malay)
Vlag van Indonesië Indonesië (as Indonesies)
Vlag van Maleisië Maleisië (as Maleisies)
Vlag van Singapoer Singapoer
Gereguleer deur: Badan Pengembangan dan Pembinaan Bahasa (Vlag van Indonesië Indonesië)
Dewan Bahasa dan Pustaka (Vlag van Maleisië Maleisië)
Majlis Bahasa Brunei-Indonesia-Malaysia (Broenei, Indonesië, Maleisië)
Taalkodes
ISO 639-1: ms
ISO 639-2: may
ISO 639-3: msa 
Waar Maleis amptelik is
Inheemse verspreiding van Maleis

Maleis (Bahasa Melayu, بهاس ملايو) is 'n Maleis-Polinesiese taal wat deur sowat 60,5 miljoen mense as moedertaal gepraat word. Gestandaardiseerde variante van Maleis geniet amptelike status in Maleisië (Maleisies of Standaard Maleis), Indonesië (Indonesies) en Broenei. Dit is saam met Chinees, Engels en Tamil een van die vier amptelike tale van Singapoer. Indonesies word in Indonesië deur sowat 140 miljoen mense as 'n tweede taal gepraat.

Maleise padtekens in Djakarta, Indonesië
Maleise padtekens in Maleisië
'n Tolhek op Bali, Indonesië

In Maleisië staan die standaardtaal as Bahasa Malaysia ("Maleisiese taal" of "taal van Maleisië") bekend. In Singapoer, Broenei, en die suide van Thailand word die term Bahasa Melayu ("Maleise taal") gebruik, en in Indonesië word dit algemeen Bahasa Indonesia ("Indonesiese taal" of "taal van Indonesië") genoem, maar Bahasa Nasional ("Nasionale taal") en Bahasa Persatuan/Pemersatu ("Verenigende taal") is ook gebruiklike terme. In die streke van Sumatra en Riau, waar die taal inheems is, verwys die Indonesiërs ook na die taal as Bahasa Melayu.

Indonesies/Maleis is verwant aan Balinees, Bandjarees, Chamorro, Javaans, Madoerees, Minangkabau, Palauaans en Soendanees. Dit is ietwat minder verwant aan Filippynse tale soos Cebuano en Tagalog (Filippyns) en het daarnaas nog 'n los verbintenis met Malgassies in Madagaskar.

As gevolg van die lang historiese bande tussen Indonesië en Nederland (Nederlands-Indië) is baie Maleise woorde in Nederlands en later in Afrikaans opgeneem. Na die vestiging van die Nederlandse Kaapkolonie in die hedendaagse Suid-Afrika is Maleiers deur die Verenigde Oos-Indiese Kompanjie as slawe na die Kaap gebring en het die Kaapse Maleiers geword. Hul oorspronklike moedertaal Maleis is eers deur Nederlands vervang en het later tot Afrikaans ontwikkel.

Maleise leenwoorde in Nederlands en Afrikaans:

Maleis Nederlands Afrikaans
amuk amok amok
keras kras kras
sarung sarong sarong
banyak veel baie
bekkelahi bakkeleien baklei
pisang pisang piesang
pikir piekeren pieker
kapuk kapok kapok
atjar atjar blatjang

Sien ook[wysig | wysig bron]

Verwysings[wysig | wysig bron]

  1. (en) "Ethnologue: Languages of the World, Seventeenth edition, Malay". Ethnologue. Besoek op 7 Maart 2022.

Eksterne skakels[wysig | wysig bron]

Wikipedia
Wikipedia
Sien gerus Wikipedia se uitgawe in Maleis