Mammon

in Wikipedia, die vrye ensiklopedie
'n Skildery uit 1909 getiteld "The Worship of Mammon" deur Evelyn De Morgan.

Mammon is 'n Christelike simbool vir die "oorheersing deur geld".

Mammon is 'n afgod wat in die Bybel beskryf word. Die woord is 'n Siriese woord vir geld of rykdom en dui op die situasie waar geld en rykdom as 'n god vereer word.

Die woord mammon kom vier keer in die Bybel voor. Die Evangelie volgens Matteus 6:24 lui:

"Niemand kan vir twee base tegelyk werk nie. Hy sal óf die een minder ag en die ander een hoër, óf vir die een meer oorhê en die ander een afskeep. Julle kan nie God én Mammon dien nie."

Naas bogenoemde teks kom die woord ook in Lukas 16: 9, 11 en 13 voor.

Die uitdrukking "om mammon te dien" beteken om geldgierig te wees.

Verwysings[wysig | wysig bron]