Manie van der Schijff Botaniese Tuin

in Wikipedia, die vrye ensiklopedie
Jozinibroodbome in die tuin
Die reënwateropgaringstuin is in 2012/13 geïnstalleer

Die Manie van der Schijff Botaniese Tuin is in 1934 gevestig en word deur die Universiteit van Pretoria onderhou en bestuur. Alhoewel die tuin aanvanklik gevestig is vir navorsing en die bewaring van inheemse plante, is dit ook vir die algemene publiek oop.

Reeds in 1924 is enkele bruidsbossoorte vir navorsingsdoeleindes op die kampus aangeplant. In die 1930's was Berend Elbrecht se entoesiasme en passie vir Suider-Afrikaanse flora egter die dryfveer vir die aanplanting van ’n aantal bome en broodbome tydens sy dienstermyn.[1] In 1986 is die bydraes van Manie van der Schijff vereer deur die tuin na hom te vernoem. Die inhoud en aktiwiteite van die tuin word deur ’n komitee bepaal en uitgevoer. Sowat 4 000 plantspesies en kultivars is op sowat 3,5 ha van die weskampus te vinde.[1]

Gestelde doelwitte van die tuin sluit in bewusmaking van Suider-Afrikaanse flora deur die opbou en verspreiding van botaniese kennis, die verskaffing van plantmateriaal vir opvoeding en navorsing, die versameling en kweking van skaars spesies en navorsing oor Suider-Afrikaanse plantsoorte wat tuinboukundige potensiaal inhou.[1]

Kyk ook[wysig | wysig bron]

Verwysings[wysig | wysig bron]

  1. 1,0 1,1 1,2 "Welkom by die Manie van der Schijff Botaniese Tuin". UP geargiveerde webwerf (in Engels). Universiteit van Pretoria. Geargiveer vanaf die oorspronklike op 6 April 2016. Besoek op 2 Maart 2015.

Eksterne skakels[wysig | wysig bron]

Koördinate: 25°45′07″S 28°13′44″E / 25.75194°S 28.22889°O / -25.75194; 28.22889