Manta
| Manta | |
|---|---|
| |
| 'n Manta by Hin Daeng, Thailand | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Klas: | |
| Subklas: | |
| Superorde: | |
| Orde: | |
| Familie: | |
| Genus: | Manta Bancroft, 1829
|
| Spesie: | M. birostris
|
| Binomiale naam | |
| Manta birostris (Walbaum, 1792)
| |
Die manta (Manta birostris) is 'n vis wat wêreldwyd voorkom in tropiese, subtropiese en ook gematigde waters.[2] Plaaslik kom hulle aan die suid- en ooskus van Suid-Afrika, vanaf Valsbaai tot by die Mosambiekkanaal, asook in Madagaskar en die Maldive voor.
Kenmerke[wysig | wysig bron]
Die manta kan tot 6,7 m breed word van vlerkpunt tot vlerkpunt en die mond is voor aan die kop. Die stert is dun en kort. Die manta kan óf donker, gryserige blou of groenerige bruin óf swart aan die bokant wees. Die onderkant is wit. Hulle kom voor by die kontinentale bank in water wat 100 m diep is. Hulle is vivipaar en twee kleintjies word op 'n slag gebore. Mantas is oor die algemeen alleenlopers, maar kan ook in pare voorkom. Hulle spring ook soms uit die water uit.
Klassifikasie[wysig | wysig bron]
Hulle word deur die IUBN geklassifiseer as 'n kwesbare spesie. Tot in 2017 was die spesie in die genus Manta geklassifiseer, saam met die kleiner Alfred manta (Mobula alfredi). DNS-toetse het egter getoon dat beide spesies meer verwant is aan rôe van die genus Mobula. As gevolg hiervan, is die reusemanta herdoop na Mobula birostris om sy nuwe klassifikasie te weerspieël.[3]
Sien ook[wysig | wysig bron]
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bron[wysig | wysig bron]
- Coastal Fishes of Southern Africa. Phil & Elaine Heemstra. 2004. ISBN 1-920033-01-7
Verwysings[wysig | wysig bron]
- ↑ Sepkoski, Jack (2002). "A compendium of fossil marine animal genera (Chondrichthyes entry)". Bulletins of American Paleontology. 364: 560. Geargiveer vanaf die oorspronklike op 10 Mei 2012. Besoek op 9 Januarie 2008.
{{cite journal}}: Cite has empty unknown parameter:|coauthors=(hulp) - ↑ "Mantas at a Glance". The Manta Trust. 2011. Geargiveer vanaf die oorspronklike op 3 Januarie 2013. Besoek op 4 April 2012.
- ↑ White, William T; Corrigan, Shannon; Yang, Lei; Henderson, Aaron C; Bazinet, Adam L; Swofford, David L; Naylor, Gavin J P (1 Januarie 2018). "Phylogeny of the manta and devilrays (Chondrichthyes: mobulidae), with an updated taxonomic arrangement for the family". Zoological Journal of the Linnean Society (in Engels). 182 (1): 50–75. doi:10.1093/zoolinnean/zlx018. ISSN 0024-4082.
