Mantophasmatidae

in Wikipedia, die vrye ensiklopedie
Spring na: navigasie, soek
Mantophasmatidae
Tydperk: Jura - Onlangs
Mantophasma zephyrum Zompro et al., 2002
Wetenskaplike klassifikasie
Koninkryk: Animalia
Filum: Arthropoda
Klas: Insecta
Subklas: Pterygota
Infraklas: Neoptera
Superorde: Exopterygota
Orde: Notoptera[1]
Arillo & Engel, 2006
Suborde: Mantophasmatodea
Familie: Mantophasmatidae
Subfamilies, tribus

Sien teks

Mantophasmatidae is 'n karnivoriese suborde van insekte wat in 2001 ontdek is en in Afrika voorkom.[2][3] Die suborde behoort tot die orde Notoptera, maar is aanvanklik as 'n orde in eie reg, naamlik Mantophasmatodea, beskou. Onlangse studies het egter getoon dat dit 'n sustergroep van die Grylloblattidae (voorheen in die orde Grylloblattodea) is.[4][5] Arillo & Engel het die groepe in 'n enkele orde, naamlik Notoptera saamgevoeg.[1]

Beskrywing[wysig]

Hierdie insekte staan as "Manto's" of "Gladiators" bekend en lyk soos 'n kruising tussen 'n stokinsek en 'n hottentotsgot. Hulle stap meestal op hul agterpote en is grys, bruin of groen van kleur. Die wyfie is effens groter as die mannetjie en eet partykeer haar maat ná paring, 'n ritueel wat tot vyf dae kan duur. Hulle is aggressiewe nagjagters, is vlerkloos (selfs as volwassenes) en het kenmerkende groot oë.[6]

Verspreiding[wysig]

Mantophasmatidae is endemies aan die westelike dele van Suid-Afrika en aan Namibië. Fossiele uit die Eoseen-tydperk toon egter dat dit vantevore 'n veel groter verspreidingsgebied gehad het.

Klassifikasie[wysig]

Ongeïdentifiseer in die Zoologische Staatssammlung München.

Die mees onlangse klassifikasie[1] onderskei tussen verskeie genera, fossiele insluit:

Verwysings[wysig]

  1. 1,0 1,1 1,2 Arillo, A. & M. Engel (2006) Rock Crawlers in Baltic Amber (Notoptera: Mantophasmatodea). American Museum Novitates 3539:1-10
  2. K.-D. Klass, O. Zompro, N.P. Kristensen, J. Adis. Mantophasmatodea: a new insect order with extant members in the afrotropics Science, 296 (2002), pp. 1456–1459
  3. Adis, J., O. Zompro, E. Moombolah-Goagoses, and E. Marais. 2002. Gladiators: A new order of insect. Scientific American 287:60-65.
  4. Terry, M.D., and M.F. Whiting. 2005. Mantophasmatodea and phylogeny of the lower neopterous insects. Cladistics 21(3): 240–257.
  5. S. L. Cameron, S. C. Barker & M. F. Whiting (2006). “Mitochondrial genomics and the new insect order Mantophasmatodea”. Molecular Phylogenetics and Evolution 38 (1): 274–279. DOI:10.1016/j.ympev.2005.09.020.
  6. Nog nuwe insekte gekry 4 spesies in Namakwaland aangetref, Beeld, 26 September 2002
  7. Eberhard, MJB, MD Picker and KD Klass. (2011). Sympatry in Mantophasmatodea, with the description of a new species and phylogenetic considerations. Organisms Diversity & Evolution 11(1): 43-59.[1]

Eksterne skakels[wysig]