Marek Grechuta
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Marek Grechuta | |
|---|---|
 Standbeeld van Marek Grechuta | |
| Agtergrondinligting | |
| Geboortenaam | Marek Michał Grechuta |
| Gebore | 10 Desember 1945 Zamość (Pole) |
| Sterf | 9 Oktober 2006 Kraków (Pole) |
| Genres | Sung poetry, Progressive rock |
| Beroep(e) | sanger, komponis |
| Instrumente | Piano, stem |
| Jare aktief | 1970 – 2006 |
| Webwerf | www.marekgrechuta.pl |
Marek Michał Grechuta (* 10 Desember 1945 in Zamość; † 9 Oktober 2006 in Kraków) was 'n Poolse sanger en komponis.
Lewe[wysig | wysig bron]
Grechuta het sedert sy kinderjare klavier gespeel en aan die kunsgimnasium in sy geboortestad gematrikuleer. Teen die middel van die 1960's het hy in Kraków argitektuur begin studeer en hier saam met die komponis Jan Kanty Pawluśkiewicz die kabaretgroep Anawa ("en avant") gestig. Later sou hieruit sy gelyknamige begeleidende musiekgroep ontstaan.
In 1967 het Grechuta sy eerste musikale sukses behaal toe hy die tweede plek by die gewilde studentesangfees in Kraków behaal het. Die kunstenaar het vervolgens sy eerste plate opgeneem en pryse by die belangrikste Poolse musiekfeeste losgeslaan. Saam met sy groep Anawa en veral met een titel, wat deur Kurt Demmler na Duits vertaal is (Wichtig sind Tage, die unbekannt sind) het hy ook in die Duitse Demokratiese Republiek bekendheid verwerf. In 1972 het Grechuta Anawa verlaat om 'n nuwe groep, WIEM, te vorm. Vanaf 1976 het hy 'n dekade lank met die kabaretteater Piwnica pod Baranami in Kraków saamgewerk.
Grechuta het in 1970 met sy vrou Danuta getrou. Uit die huwelik is 'n seun, Lukasz, gebore.
Musikale werk[wysig | wysig bron]
Grechuta se musiek toon invloede van progressiewe rock- en jazzmusiek. 'n Groot deel van sy liedtekste is deur Poolse digters geskryf sodat sy musiek in Pole ook by die genre van gesonge poësie gereken word. Kenmerkend is die spreeksang wat dikwels in sy liedere voorkom, asook invloede van Poolse volksmusiek.
Intussen het 'n aantal Poolse kunstenaars begin om Grechuta se musikale erfenis met hul eie interpretasies te nader. Karol Namysłowski en die filharmoniese orkes van Zamość het 'n simfonie met Grechuta se bekendste treffers in 'n klassieke styl opgeneem.
Diskografie[wysig | wysig bron]
- 1970 Marek Grechuta & Anawa
- 1971 Korowód
- 1972 Droga za widnokres
- 1974 Magia obłoków
- 1977 Szalona lokomotywa
- 1979 Pieśni M. Grechuty do słów Tadeusza Nowaka
- 1981 Śpiewające obrazy
- 1984 W malinowym chruśniaku
- 1987 Wiosna – ach, to ty!
- 1989 Krajobraz pełen nadziei
- 1993 Jeszcze pożyjemy
- 1994 Dziesięć ważnych słów
- 1998 Serce
- 2003 Niezwykłe miejsca
