Marlon Brando
vanuit Wikipedia, die vrye ensiklopedie.
| Marlon Brando | |
 |
|
| Naam | Marlon Brando, Jr. |
|---|---|
| Geboorte | 3 April 1924 Omaha, NE (VSA) |
| Nasionaliteit(e) | Amerikaans |
| Sterfte | 1 Julie 2004 Los Angeles, CA (VSA) |
| Beroep(e) | Akteur |
| Noemenswaardige rolprent(e) |
A Streetcar Named Desire, The Godfather |
| Internet-rolprentdatabasis-profiel | |
Marlon Brando (1924 – 2004) was 'n Oscar-bekroonde akteur wat meer as 'n halfeeu in die rolprentwêreld aktief was. Hy word oor die algemeen as een van die beste Amerikaanse akteurs ooit beskou en verskyn in die sewende plek op die America Film Institute se ranglys van die tien beste akteurs. In sy dertigerjare is hy as 'n sekssimbool beskou en word hy onthou vir sy rolle as Stanley Kowalski in A Streetcar Named Desire (1951) en Terry Malloy in On the Waterfront (1954). As middeljarige akteur het sy werk as akteur meer aandag getrek as sy voorkoms en het hy 'n Oscar-toekenning gewen vir sy rol as Vito Corleone in The Godfather (1972). Hy word ook onthou vir sy rol as Paul in Last Tango in Paris (1973) en as kolonel Walter Kurtz in Apocalypse Now (1979), wat beide deur Francis Ford Coppola geregisseer is.
Brando word beskou as een van die belangrikste metodetoneelspelers, 'n toneelspeeltegniek waarmee Brando in die vyftigerjare Hollywood se aandag getrek het. Sy manier van toneelspeel het 'n groot invloed op ander akteurs soos Paul Newman, Robert de Niro en James Dean gehad.
Brando was ook 'n aktivis en het hom met baie kwessies bemoei, waaronder die Amerikaanse Beweging vir Burgerlike Regte en die Amerikaans-Indiaanse Beweging.
