Marsili

in Wikipedia, die vrye ensiklopedie
Spring na: navigasie, soek

Marsili
Karte Tyrrhenisches Meer.jpg
Die Tirreense See met die vulkaan Marsili
Ligging: Tirreense See, Italië
Hoogte:  meter
Koördinate: 39°15′00″N 14°23′40″W

Marsili is ’n ondersese vulkaan, wat deel uitmaak van die sogenaamde Italiaanse "vuurgordel" en tussen die aktiewe landvulkane Vesuvio in die noorde en Aetna in die suide lê. Marsili is een van die Aarde se twintig supervulkane en is eers in die laat 20ste eeu ontdek. Marsili lê in die suidelike Tirreense See, noord van die eiland Sisilië.

Marsili behoort tot ’n ondersese bergmassief wat oor ’n vlakte van sowat 2 000 vierkante kilometer strek (of twee keer so groot soos die Italiaanse hoofstad Rome) en in 1999 deur die onbemande duikroboter Geostar 1 ontdek is. Geostar 1 was deel van ’n projek wat navorsing in verband met die swawelagtige gasuitbarstings in die gebied van Marsili, wat dikwels visse in die gebied laat vrek en vissers rondom die Lipariese Eilande lankal pla en soms gedoen het. Die voet van die vulkaan lê teen ’n diepte van sowat 4 000 meter, en sy spits skuil net 500 meter benede die seevlak. Marsili se magmakamer is so groot soos Switserland.

Digby Marsili is die Afrikaanse Plaat besig om homself onder die Eurasiese Plaat te skuif. Gesteentes, wat in die diepte smelt, styg deur die vulkaan se openings weer na bowe. Marsili word deurgaans deur seismoloë gemonitor, aangesien onderseese aardbewings in sy gebied tot grootskaalse tsoenami’s in die Middellandse See kan lei.