Marzahn

in Wikipedia, die vrye ensiklopedie
Spring na: navigasie, soek

Marzahn
Stadsdeel van Berlyn
Ahrensfelder Berge - Blick auf Berlin-Ahrensfelde (Marzahn-Nord).jpg

Kaart Wapen (1992-2000)
Lage Marzahn.png
Coat of arms de-be marzahn 1992.png
Wapen (1979-1992)
Coat of arms de-be marzahn 1979.png
 Land Flag of Germany.svg Duitsland
 Deelstaat Flag of Berlin.svg Berlyn
 Koördinate 52°33′N 13°33′O
 Stigting (eerste verwysing) 1330
 Insluiting by Berlyn 1 Oktober 1920
 Stadsdistrik Marzahn-Hellersdorf
 Oppervlakte:  
 - Totaal 19,5 vk km
 Hoogte bo seevlak maksimaal 112 m
 Bevolking:  
 - Totaal (31 Desember 2011) 103 768
 - Bevolkingsdigtheid 5 311/vk km
 Tydsone UTC +1 (MET)
 - Somertyd UTC +2 (MEST)
 Klimaat  
 - Tipe Gematigde klimaat
 - Gemiddelde jaarlikse temperatuur
 - Gem. temp. Januarie/Julie
 - Gemiddelde jaarlikse neerslae

Marzahn is 'n stadsdeel in die Berlynse distrik Marzahn-Hellersdorf. Die naam Marzahn verwys tegelykertyd na die voormalige stadsdistrik Marzahn en die grootste moderne woonstelbuurt op die gebied van die voormalige Duitse Demokratiese Republiek.

Die stadsdeel het sy oorsprong in 'n middeleeuse Angerdorf wat - met nostalgiese elemente - tot vandag bewaar gebly het. In sy omgewing het omstreeks 1900 enkele nuwe buurte met enkelgesinshuise ontstaan. Tussen die tweede helfte van die 1970's en die laat 1980's is rondom die geskiedkundige dorpskern die uitgestrekte woonstelbuurt Marzahn as moderne stadlandskap met baie groen ruimtes opgerig. Vir die nuwe woonstelblokke is merendeels voorafvervaardigde bou-elemente gebruik.

Marzahn is in 1920 saam met ander stede, dorpe en landgoede by die nuwe Groot-Berlyn ingesluit en het tot en met 1979 deel uitgemaak van die stadsdistrik Lichtenberg. Met die bou van die nuwe woonstelbuurt het Marzahn in 1979 'n selfstandige stadsdistrik geword wat naas die stadsdeel Marzahn ook Biesdorf, Hellersdorf, Kaulsdorf en Mahlsdorf ingesluit het. Mahlsdorf, Kaulsdorf en Hellersdorf is in 1986 verenig tot die nuwe stadsdistrik Hellersdorf. As gevolg van die administratiewe hervorming van 2001 is Marzahn en Hellersdorf saamgesmelt om die nuwe stadsdistrik Marzahn-Hellersdorf te vorm.

Enkele gebiede in die noorde van die huidige stadsdeel Marzahn het in 1920 nog nie deel uitgemaak van Groot-Berlyn nie: dele van die destydse distrik Weißensee en die Brandenburgse dorp Ahrensfelde.

Etimologie[wysig]

Windmeul in Marzahn

Die naam Marzahn is vermoedelik van die Slawiese more ("meer") of marcana (Polabies: "moerasland") afgelei. Die Wuhle-rivier het ná swaar neerslae dikwels sy walle oorstroom en moeraslande gevorm.

Die klemtoon val op die tweede lettergreep: [marˈtsaːn].