Matroosberg

in Wikipedia, die vrye ensiklopedie
Matroosberg
Matroosberg in die Hexrivierberge aan die suid-oostelike kant van Ceres-vallei. Matroosberg in die Hexrivierberge aan die suid-oostelike kant van Ceres-vallei.
Ligging Wes-Kaap, Suid-Afrika
Hoogte 2 249 meter bo seevlak
Koördinate 33°25′48″S 19°50′13″O / 33.43000°S 19.83694°O / -33.43000; 19.83694Koördinate: 33°25′48″S 19°50′13″O / 33.43000°S 19.83694°O / -33.43000; 19.83694
Ligging van Matroosberg op 'n kaart (Suid-Afrika)
Matroosberg
Matroosberg

Die Matroosberg is die hoogste piek in die Hexrivierberge in die Wes-Kaap, Suid-Afrika. Die piek is in die Matroosberg-privaatnatuurreservaat.[1] Dit behoort tot die Kaapse Plooigordel en het 'n hoogte van 2247m bo seespieël. Die berg is in die Witzenberg Plaaslike Munisipaliteit in die Wes-Kaap geleë.

Die berg het sy naam gekry omdat daar gesê word dat 'n rotsformasie onder die kruin soos 'n matroos langs 'n skip lyk as dit vanuit die suide gesien word.

Matroosberg is ongeveer 35 km oos van Ceres aan die oostekant van die Ceresvallei geleë. Die naaste dorp is De Doorns in die suide, sowat elf kilometer daarvandaan. Die private Matroosberg Natuurreservaat word op die Erfdeel-plaas bedryf. Van daar af is dit bereikbaar na die kruin met vierwielaandrywing. In die winter is die berg dikwels met sneeu bedek. Daar is 'n klein ski-area op die noordhelling, wat die setel van die Suid-Afrikaanse Skivereniging is.

Die langste van die vier Hexriviertonnels op die Kaapstad-Johannesburg-spoorlyn loop onder Matroosberg deur. Matroosbergstasie is op die voormalige roete oor die Hexrivierpas geleë en word vandag nog as die einde van spesiale reise gebruik.

Sien ook[wysig | wysig bron]

Verwysings[wysig | wysig bron]