Maurice Pope
Maurice Wildon Montague Pope (gebore 17 Februarie 1926 in Londen - 2019) is 'n Suid-Afrikaanse en Britse taalkundige, spesialis in klassieke en antieke studies, en een van die voorste navorsers van die Kretensiese skryfstelsels.
Pope het aan die Universiteit van Cambridge gegradueer. Sedert 1949 het hy as assistent aan die Departement Klassieke Studies van die Universiteit Stellenbosch gewerk. In 1952 het hy 'n dosent geword. In 1957 het hy professor George P. Gould, wat ook aan die Universiteit van Cambridge gegradueer het, as professor in klassieke studies vervang. Saam met Gould het hy 'n aantal artikels oor Lineêr A gepubliseer.
Benewens taalkunde is Pope ook in argeologie geïnteresseerd. Hy het dikwels aan argeologiese ekspedisies deelgeneem, onder meer in 1954 aan 'n onderwaterekspedisie van die argeologiese skool van Athene naby Chios.[1]
Van 1960 af was hy dekaan van die Fakulteit Geesteswetenskappe aan die Universiteit van Kaapstad.
In Augustus 1968 het hy uit sy pos bedank en die universiteit verlaat, aangesien hy sterk gekant was teen die inmenging van die rassistiese regering in die universiteit se beleid (die regering het die universiteitsowerhede verplig om hul aanstelling van 'n swart persoon as senior dosent te onttrek).[2] Daarna is Pope na die Universiteit van Oxford.
In 1980 het hy in samewerking met J. Raison 'n korpus van inskripsies in Lineêr A voorberei en gepubliseer.
Verwysings[wysig | wysig bron]
- ↑ "argiefkopie" (PDF). Geargiveer vanaf die oorspronklike (PDF) op 1 Augustus 2014. Besoek op 4 September 2013.
- ↑ "John Daniel en Peter Vale. South Africa: Where Were We Looking in 1968?, bl. 142" (PDF). Geargiveer vanaf die oorspronklike (PDF) op 21 Mei 2014. Besoek op 4 September 2013.
Uitgesoekte werke[wysig | wysig bron]
- The Story of Decipherment: From Egyptian Hieroglyphs to Maya Script.
- Corpus transnuméré du Linéaire A (avec J. Raison).
