Mauritiuswewer

in Wikipedia, die vrye ensiklopedie

Mauritiuswewer
Mauritius fody, Île aux Aigrettes nature reserve
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
F. rubra
Binomiale naam
Foudia rubra
(JF Gmelin, 1789)

Die Mauritiuswewer (Foudia rubra) is 'n seldsame voëlspesie in die wewerfamilie. Dit is endemies aan die eiland van Mauritius. Dit is deur BirdLife International geklassifiseer as bedreig,[2] en is ook op die Bedreigde Spesies Lys van die Verenigde State.[3]

Hierdie voël is 14 cm lank. Broeiende mannetjies is olyfbruin met 'n rooi kop en bors en swart rondom die oë.[2] Wyfies, nie-broeiende mannetjies en jongelinge is olyfbruin met wit vlerkstroke en 'n bruin keel.

Die voël is tuis in verskillende tipes bos, insluitende vervalle gebiede, sowel as plantasies. Stande van die Japannese seder (Cryptomeria japonica) het inheemse plantegroei vervang wat nou beskerming bied teen roofdiere.[4] Dit vreet meestal insekte soos sprinkane en krieke, maar ook vrugte en nektar. Dit gebruik sy spesialiseerde borselpunttong om gereeld nektar te vreet.[2]

Broeipatroon[wysig | wysig bron]

Die voëls is wewers, en beide geslagte bou saam aan die nes wat van gras, mos en fyn takkies gemaak word. Die wyfie plaas sagte vere in die nessie voordat sy gewoonlik twee of drie vaalblou eiers daarin lê. Hierna broei sy daarop vir 7 tot 14 dae voordat die kuikens uitbroei.[5]

Habitatverlies en predasie[wysig | wysig bron]

Mauritiuswewers word bedreig deur die verlies aan hul habitat en predasie deur uitheemse roofdiere. Teen die begin van die 1970's is baie van hul habitat prysgegee toe die land skoongemaak is vir plantasies.[2] Teen 2001 was daar slegs sowat 100 broeipare oor.[6] Neste is gestroop deur roofdiere, veral die swartrot (Rattus rattus) en die krap-etende makaak (Macaca fascicularis). Dit is tans die hoofoorsaak van die voël se dalende getalle. Die Indiese spreeu (Myna) is ook al waargeneem waar dit wewerneste plunder. Nesmislukking kan voorkom wanneer dit besmet word deur die tropiese nesvlieg. Die larwes van die vlieg val die kuikens aan, teer en voed op hul bloed, wat dan veroorsaak dat dehidrasie en bloedarmoede in die kuikens ontwikkel.[4]

Verwysings[wysig | wysig bron]

  1. BirdLife International (2012). "Foudia rubra". IUBN-rooilys van Bedreigde Spesies. Weergawe 2013.2. Internasionale Unie vir die Bewaring van die Natuur. Besoek op 26 November 2013. {{cite web}}: Ongeldige |ref=harv (hulp)
  2. 2,0 2,1 2,2 2,3 "BirdLife International spesiebladsy". Geargiveer vanaf die oorspronklike op 3 Januarie 2009. Besoek op 16 November 2014.
  3. USFWS. Addition of 30 African birds to list of endangered and threatened wildlife. Geargiveer 18 Oktober 2011 op Wayback Machine Federal Register 12 Januarie 1995.
  4. 4,0 4,1 Garrett, L. (2009). Mauritian Wildlife Foundation Mauritius Fody Recovery Programme Annual Report 2008-09. Geargiveer 27 Mei 2012 op Wayback Machine
  5. "Weaver Watch". Geargiveer vanaf die oorspronklike op 3 Oktober 2019. Besoek op 16 November 2014.
  6. Mauritiuswewer. Geargiveer 7 November 2011 op Wayback Machine Durrell Wildlife Conservation Trust. 12 September 2011.

Eksterne skakels[wysig | wysig bron]