McCain Foods Limited
| McCain Foods Limited | |
| Tipe | Privaatmaatskappy |
|---|---|
| Gestig | 1957 |
| Hoofkantoor | Florenceville-Bristol (Nieu-Brunswick), Kanada |
| Sleutel persone | Allison D. McCain - voorsitter Dale Morrison - president & hoof uitvoerende beampte van McCain Foods Limited Fred Schaeffer - president & hoof uitvoerende beampte van McCain Foods (Kanada) |
| Industrie | Voedselverwerking |
| Produkte | Bevrore slaptjips, smulhappies, pizza's, bevrore groente, voorgeregte, nageregte en oondklaar geregte |
| Inkomste |  CDN$5,8 miljard (2004) |
| Werknemers | 20 000 (2004) |
| Webwerf | McCain.com |
McCain Foods Limited is 'n Kanadese maatskappy in privaatbesit wat in 1957 deur die broeders Harrison en Wallace McCain in Florenceville (provinsie Nieu-Brunswick) gestig is. McCains is die grootste vervaardiger van bevrore slaptjips (french fries of pommes frites) en ander oondklaar diepvrieskos ter wêreld.
Die maatskappy het 20 000 werknemers in diens en beskik oor 55 vervaardigingsaanlegte in twaalf lande wat oor ses vastelande strek. McCain Foods verwerk elke uur sowat een miljoen pond aartappelprodukte en verkoop wêreldwyd een derde van alle diepbevrore aartappelprodukte in meer as 110 lande. In 2000 het McCain Foods 'n slaptjipfabriek in Delmas (provinsie Mpumalanga) asook twee verwerkingsaanlegte vir bevrore groente in Bedfordview (Johannesburg) gekoop en sodoende tot die Suid-Afrikaanse mark toegetree.[1]
Volgens Forbes was McCain Foods ten opsigte van sy verkope in 2003 die tweede grootste Kanadese maatskappy in privaatbesit.[2]
[wysig] Verwysings
- ^ www.mccain.com: History (en)
- ^ Forbes
