Meel

in Wikipedia, die vrye ensiklopedie
Spring na: navigasie, soek
Twee soorte koringmeel (links) en rogmeel (regs)

Meel is 'n voedselpoeier wat gemaak word deur die fynmaal van graan, boontjies, of ander sade of wortels (soos kassawa). Dit is die belangrikste bestanddeel van brood, wat 'n stapelvoedsel vorm vir baie volkere en kulture. Die deurlopende beskikbaarheid van voldoende voorrade van meel het 'n groot ekonomiese en politieke rol gespeel op verskillende tye in die geskiedenis. Koringmeel is een van die belangrikste voedselbestanddele in Europa, Noord-Amerika, die Midde-Ooste, Indië en Noord-Afrika, en is die bepalende bestanddeel in die meeste van hul style van brood en ander gebak.

Meel word gewoonlik in groot linnesakke gestoor

Alhoewel koring die mees algemene basis van meel is, is mieliemeel ook - sedert antieke tye - 'n baie belangrike deel van die Mesoamerikaanse kookkuns, en vorm dit 'n stapelvoedsel oor die hele Suid-Amerika. Rogmeel is 'n belangrike bestanddeel van brood in groot dele van Midde-Europa, en rys kan ook gebruik word in meel, al is dit relatief ongewoon.

Hierdie artikel is in sy geheel of gedeeltelik vanuit die Engelse Wikipedia vertaal.