Meeldou

in Wikipedia, die vrye ensiklopedie
Meeldou aan ’n tamatiepant.
Meeldou aan ’n komkommerpant.

Meeldou is ’n swamsiekte wat ’n groot verskeidenheid plante aantas. Dit word veroorsaak deur verskillende spesies swamme in die orde Erysiphales; die spesie Sphaerotheca fuliginea is die algemeenste oorsaak.[1][2]

Dit is ’n redelik maklike siekte om te erken omdat die simptome kenmerkend is. Plante wat aangetas is, toon wit, melerige kolle aan die blare en stamme. Die onderste blare word die meeste aangetas, maar meeldou kan aan enige deel van die plant bo die grond voorkom. As die siekte vererger, word die kolle groter en digter namate groot getalle aseksuele spore gevorm word en die meeldou kan oor die hele plant versprei.

Meeldou groei in omgewings met ’n hoë humiditeit en gematigde temperature.[3] Daar word tussen twee soorte onderskei:

  • Egte meeldou
  • Vals meeldou

Egte meeldou vorm aan die bokant van die blaar en vals meeldou aan die onderkant. Vals meeldou kom voor by onder meer blaarslaai en komkommers.

Verwysings[wysig | wysig bron]

  1. McGrath, M.T., 1997. Powdery Mildew of Cucurbits. http://vegetablemdonline.ppath.cornell.edu/factsheets/Cucurbits_PM.htm
  2. Tetteh, A, et al. Watermelon Crop Information. http://cuke.hort.ncsu.edu/cucurbit/wmelon/wmhndbk/wmpm.html
  3. Huang, X.Q. et al. (2000). Molecular mapping of the wheat powdery mildew resistance gene Pm24 and marker validation for molecular breeding. Theoretical and Applied Genetics, 101 vanaf http://www.springerlink.com/content/engc84epbg6feqvk/fulltext.pdf[dooie skakel].

Eksterne skakels[wysig | wysig bron]