Mekong
| Mekong | |
|---|---|
 |
|
| Oorsprong | Guozongmucha (Volksrepubliek van Sjina) |
| Monding | Mekongdelta, Viëtnam Suid-Sjineese See, Stille Oseaan |
| Gebied waardeur dit vloei | Volksrepubliek van Sjina, Mianmar, Thailand, Laos, Kambodja en Viëtnam |
| Lengte | 4 350 km |
| Oorsprong hoogte | 5 200 m |
| Monding-hoogte | 0 m |
| Gemiddelde afloop | 15 000 m³/s |
| Stroomgebiedoppervlakte | 795 000 km² |
Die Mekong-rivier is een van die wêreld se groot riviere. Dit is die wêreld se tiende langste rivier en die sewende langste in Asië. Die beraamde lengte is 4350 km en die opvangsgebied beslaan 795 000 km2.[1] Vanaf die Tibetaanse plato loop die rivier deur die Volksrepubliek van Sjina se Yunnan-provinsie, Burma, Thailand, Laos, Kambodja en Viëtnam.
Die uiterste seisoenale veranderinge in die vloei van die rivier en die teenwoordigheid van stroomversnellings en watervalle in die rivier maak dit moeilik om die rivier te bevaar.
[wysig] Fauna
Die Mekong-kom is een van die gebiede van die wêreld met die rykste biodiversiteit. Meer as 1200 visspesies is geïdentifiseer en daar kan moontlik soveel as 1700 wees. Visvang is een van die belangrike ekonomiese aktiwiteite in die gebied en 'n noodsaaklike bron van proteïene in die plaaslike dieet. Daar word beraam dat daar met soveel as 120 visspesies handel gedryf word maar die meeste van die handel word oorheers deur sowat 10–20 spesies.[2]
