Mesosoïkum
| Era / Hooftydperk | Periode | Epog / Tydvak | ≈ Tydperk (Ma) |
|---|---|---|---|
| later | later | later | |
| Meso- soïkum |
Kryt | Opper-Kryt | 65,5–99,6 |
| Neder-Kryt | 99,6–145,5 | ||
| Jura | Opper-Jura | 145,5–161,2 | |
| Middel-Jura | 161,2–175,6 | ||
| Neder-Jura | 175,6–199,6 | ||
| Trias | Opper-Trias | 199,6–~228,7 | |
| Middel-Trias | ~228,7–~245,9 | ||
| Neder-Trias | ~245,9–251,0 | ||
| vroeër | vroeër | vroeër |
Die Mesosoïkum, afgelei van die Grieks μέσος (mésos)= matig, middel en ζώω (zóo)= lewe, is 'n geologiese tydperk wat 251 miljoen jaar gelede begin het en 65,5 miljoen jaar gelede geëindig het. Dit word in die Trias-, Jura- en Kryttydperke verdeel. Die Paleosoïkum het die Mesosoïkum voorafgegaan en dit is deur die Kainosoïkum gevolg.
Die Mesosoïkum het begin na 'n katastrofe aan die einde van die Perm, die laaste stadium van die Paleosoïkum. Die oorsaak van die katastrofe is nie bekend nie, maar 90% van alle dier- en plantspesies het daartydens uitgesterf. Dit het die evolusie van 'n geheel en al nuwe dier- en plantelewe moontlik gemaak. Tydens die Mesosoïkum het die wêreld stadigaan sy huidige vorm aangeneem. Die dinosourusse het ontstaan, die aarde oorheers en weer uitgesterf. Hulle naaste oorlewende verwante is die voëls en krokodille. Verder het Pterosaurier en 'n verskeidenheid waterreptiele ontwikkel wat weer aan die einde van die Mesosoïkum uitgesterf het. Die eerste soogdiere en blomplante het hulle verskyning in die Mesosoïkum gemaak asook meeste moderne bome.
Die einde van die Mesosoïkum word aangedui deur die Kryt-Paleogeen-uitsorwingsgebeurtenis wat moontlik veroorsaak is deur die impak van 'n reuse meteoriet wat die Chicxulub-krater op die Yucatán-skiereiland veroorsaak het. Ongeveer 50% van alle genera het uitgesterf, insluitend al die dinosourusse.
