Messier 66
in Wikipedia, die vrye ensiklopedie
| Messier 66 | |
|---|---|
 |
|
| Soort | Oorgang-spiraalsterrestelsel |
| Sterrebeeld | Leeu |
| Regte klimming | 11h 20m 15s |
| Deklinasie | +12º 59' 30" |
| Afstand | 36 miljoen ligjare |
| Skynbare helderheid | 8,9 mag |
| Skynbare grootte (v) | 9,1′ × 4,2′ |
| Ander name | NGC 3627, UGC 6346, PGC 34695, Arp 16 |
Messier 66 of M66 (ook bekend as NGC 3627) is ’n oorgang-spiraalsterrestelsel sowat 36 miljoen ligjare van die Aarde af in die sterrebeeld Leeu. Dit is in 1780 deur Charles Messier ontdek en in sy katalogus van komeetagtige voorwerpe opgeneem.
M66 is sowat 95 duisend ligjare breed met opvallende stofbane en helder sterreswerms in sy spiraalarms.[1] Dit vorm saam met Messier 65 en NGC 3628 die bekende Leeu-drieling, ’n klein groep sterrestelsels. Dit het ’n verwronge voorkoms vanweë ’n interaksie met NGC 3628 en in ’n mindere mate M65 sowat 80 miljoen jaar gelede.[1]
Die swaartekrag-interaksie met sy buurstelsels het gelei tot:
- ’n Uiters hoë konsentrasie van sy sentrale massa;
- ’n Groot verhouding tussen molekule- en atoommassa;
- ’n Blok H I-materiaal wat nie saam met die stelsel draai nie en blykbaar uit een van die spiraalarms kom. Dit kan gesien word as ’n baie prominente spiraalarm en stofbaan-strukture, soos aanvanklik genoem in die Atlas of Peculiar Galaxies.[1]
Verwysings [wysig]
- ↑ 1,0 1,1 1,2 Zhang, Xiaolei; Wright, Melvyn; Alexander, Paul (1993). “High-Resolution CO and H i Observations of the Interacting Galaxy NGC 3627”. Astrophysical Journal 418: 100. DOI:10.1086/173374.
Eksterne skakels [wysig]
- Koördinate:
11h 20m 15.0s, +12° 59′ 30″
Wikimedia Commons het meer media verwant aan: Messier 66
Hierdie artikel is vertaal uit die Engelse Wikipedia
