Metaal (astronomie)

in Wikipedia, die vrye ensiklopedie
Spring na: navigasie, soek

Die term metaal word in die astronomie in ’n ruimer sin gebruik as in chemie of in die daaglikse taalgebruik: daarmee word bedoel alle ander elemente as waterstof en helium.

Aangesien sterre, wat die grootste deel van die sigbare heelal uitmaak, hoofsaaklik uit waterstof en helium bestaan, gebruik sterrekundiges die term "metaal" om al die ander elemente gesamentlik te beskryf.[1]

Populasie I, II en III[wysig]

In heel ou sterre is die "metaalgehalte" veel laer as in betreklik jong sterre soos die Son; in sommige gevalle is dit minder as 0,1%. Dit word sterre van populasie II genoem om hulle te onderskei van die "normale" sterre, wat tot populasie I behoort. Sterre met geen metale in nie is nog nie gevind nie, al is daar onlangs tekens gevind dat daar wel sulke sterre bestaan. Hulle sal tot populasie III behoort.

Verwysings[wysig]

  1. John C. Martin. “What we learn from a star's metal content”. New Analysis RR Lyrae Kinematics in the Solar Neighborhood. URL besoek op September 7, 2005.