Meteoroïde

Foto van die lug tydens 'n meteorreën.

'n Meteoroïde (soms ook 'n meteoroïed) is 'n klein stofdeeltjie, klip of stukkie ys wat deur die ruimte sweef. Die sigbare pad van 'n meteoroïde wat die Aarde (of 'n ander planeet) se atmosfeer binnedring, word 'n meteoor genoem, of 'n verskietende ster in die volksmond. Wanneer 'n meteoroïde die aarde tref, word dit 'n meteoriet genoem. Wanneer daar baie meteore te sien is, vorm hulle 'n meteorreën.