Michail van Twer

in Wikipedia, die vrye ensiklopedie
Michail van Twer
Grootprins van Wladimir
Michail van Twer voor die Mongoolse khan, deur Wasili Weresjtsjagin.
Michail van Twer voor die Mongoolse khan, deur Wasili Weresjtsjagin.
Periode 1304–1314
1315–1318
Voorganger Andrei III van Gorodets
Opvolger Joeri III van Moskou
Huis Rjoerik
Vader Jaroslaf III van Twer
Gebore 1271
Oorlede 22 November 1318

Michail van Twer (Russies: Михаил Ярославич; 127122 November 1318), ook bekend as Michail Jaroslawitsj of sint Michail, was van 1285 ’n prins van Twer. Hy het van 1304 tot 1314 en weer van 1315 tot 1318 as grootprins van Wladimir regeer. Hy is deur die Russies-Ortodokse Kerk tot heilige verklaar.

Bewind[wysig | wysig bron]

Michail was die tweede oudste seun van Jaroslaf III van Twer, die jongste broer van Aleksander Nefski, en het hom in 1285 as prins van Twer opgevolg. Ná die dood van Andrei III van Gorodets (Aleksander Nefski se seun en Jaroslaf se broerskind) het hy hom in 1304 opgevolg as grootprins van Wladimir.

Aangesien Michail die wettige erfgenaam was en sy amp deur Tochta, die khan van die Mongoolse Goue Horde, bevestig is,[1] het Michail ’n reeks terugslae beleef wat daartoe gelei het dat hy sy amp verloor het, ook in ’n mate vir sy nageslag. Hy is, soos die meeste grootprinse van Wladimir, in 1309 aanvaar as prins van Nowgorod,[2] maar hy het teen Nowgorod geveg. Hy het selfs sy luitenante aan Nowgorod onttrek en in 1312 gekeer dat graan die stad binnegaan. Hoewel hy op goeie voet was met Tochta, en aanvanklik met sy opvolger, Oezbeg (Michail het Oezbeg se opvolging in 1313 gesteun en tot in 1315 in die khan se hoofstad, Sarai, gebly), het hy eindelik invloed verloor ten gunste van Joeri III van Moskou, wie se steun toegeneem het in Nowgorod terwyl Michail in Sarai was. Michail het eindelik in 1316 met Mongoolse hulp beheer oor die stad gekry, maar die volgende jaar het Oezbeg sy steun toegesê aan Joeri, wat ook met Oezbeg se suster getrou het.[3]

Nadat Joeri die grootprins van Wladimir geword het, het die khan sy leër gestuur om hom te help in sy stryd teen Michail. Op 22 Desember 1317 het Michail vir Joeri verslaan en sy vrou, die khan se suster, gevange geneem. Toe sy in sy sorg sterf, is hy vir haar moord verantwoordelik gehou, hoewel dit onwaarskynlik is dat hy daarvoor verantwoordelik was, want hy moes geweet het dit sou hom polities skaad. Hy is ook daarvan beskuldig dat hy belasting van die khan weerhou en teen die Mongole geveg het. Michail is voor die khan geroep en op 22 November 1318 tereggestel.[4]

Familie[wysig | wysig bron]

In 1294 is Michail getroud met prinses Anna van Rostof, dogter van prins Dimitri van Rostof. Hulle het vyf kinders gehad:

  1. Dmitri van Twer (1299–1326)
  2. Aleksander van Twer (1301–1339)
  3. Konstantin van Twer (1306–1346)
  4. Wasili van Kasjin (dood ná 1368)
  5. Fjodora

Michail se seuns en opvolgers Dmitri en Aleksander, asook Aleksander se oudste seun, Michail, is ook in die Horde vermoor. Die Twer-erfgename het hulle die gramskap van khan op die hals gehaal ten gunste van die Moskouse prinse, wat in die twee jaar ná 1317 grootprinse was.

Michail se vrou het ná sy dood ’n non geword en is op 2 Oktober 1368 oorlede. Sy is in 1677 deur die Russies-Ortodokse Kerk as heilige verklaar as Anna van Kasjin.

Verwysings[wysig | wysig bron]

  1. Janet Martin Medieval Russia 980-1584 (Cambridge: Cambridge University Press, 1995), 174.
  2. Michael C. Paul, "Was the Prince of Novgorod a 'Third-Rate Bureaucrat' after 1136?" Jahrbücher für Geschichte Osteuropas 56, No. 1 (Lente 2008): 72-113.
  3. Martin, Medieval Russia, 175.
  4. Martin, Medieval Russia, 175; John Fennell, "Princely Executions in the Horde 1308-1339," Forschungen zur Osteuropaischen Geschichte 38 (1988), 9-19.

Eksterne skakels[wysig | wysig bron]