Middelbestuur

in Wikipedia, die vrye ensiklopedie
Spring na: navigasie, soek

Middelbestuur (of middelvlakbestuur) is die gedeelte van ondernemings wat die hoofde van die verskillende afdelings uitmaak. Middelbestuur doen verantwoording aan die topbestuur, en bestaan gewoonlik uit, onder meer, menslike hulpronne-, verkoops-, aankoop-, en bemarkingsbestuurders at aangestel is op grond van hul spesialiskennis. Middelbestuur verbind die topbestuur en die laerbestuur met mekaar.

Funksies[wysig]

Die middelbestuur neem taktiese besluite, dit wil sê, hoe dinge gedoen moet word. Hulle verkry die hulpbronne wat hulle benodig om die verskillende aktiwiteite uit te voer en hulle skep 'n infrastruktuur waarbinne die afdelings moet funksioneer. Middelbestuur bepaal ook die onderneming se interne beleid, en hulle ontwikkel ook die werkplanne.

Verantwoordelikhede[wysig]

Middelbestuur is op die praktiese en tegniese aspekte ingestel en konsentreer op die afdeling wat hulle beheer. Elkeen beheer en koördineer slegs sy of haar afdeling se aktiwiteite. Besluite wat geneem word, is van wisselende aard. Die middelbestuur handhaaf gewoonlik 'n groter fokus op die lang- en korttermynbestuur van hul afdeling. Hulle verseker ook dat hul afdeling se mikpunte bereik word, en hulle is verantwoordelik om goeie menseverhoudinge te skep.

Bronne[wysig]

  • Esterhuyse, C. · Horn, D. · Liebenberg, C.: Dinamiese bedryfstudies; Kagiso; Pinelands, 2004

Sien ook[wysig]