Middelweerstandige tuberkulose

in Wikipedia, die vrye ensiklopedie
Spring na: navigasie, soek

Middelweerstandige tuberkulose (Engels: Multi-drug resistant tuberculosis of MDR-TB) is 'n vorm van tuberkulose (TB) wat weerstand bied teen ten minste die twee algemeenste behandelingsmiddels van TB, naamlik Isoniasied (INH) en Rifampisien (RMP).

Weerstandige TB ontwikkel tydens die behandeling van antibiotika-sensitiewe TB as die dosering van antibiotika onderbreek word en die medikasievlak in die liggaam onvoldoende is om 100% van die bakterieë te dood. Dit kan gebeur as:

  • Pasiënte beter voel en hulle antibiotika-kursus stop.
  • Pasiënte van tyd tot tyd vergeet om hulle medikasie te neem.
  • Tekorte aan medikasie soos voorraad skaars raak.

Weerstandige TB kan net so geredelik, en op dieselfde wyse as antibiotika-sensitiewe TB van persoon tot persoon versprei. Dit wek 'n uiters gevaarlike situasie.