Mier Plaaslike Munisipaliteit

in Wikipedia, die vrye ensiklopedie
Voormalige Mier
Kaart van Suid-Afrika wat Voormalige Mier in Noord-Kaap aandui
Provinsie Noord-Kaap
Distriksmunisipaliteit ZF Mgcawu
Tipe Plaaslike Munisipaliteit
Munisipale kode NC081
Burgemeester Sophia Kethrina Coetzee (ANC)
Hoofstad Rietfontein
Grootste tale Afrikaans (92,8%)
Area 22 468 km²  
Bevolking 7,003 (2011)

Die Mier Plaaslike Munisipaliteit was een van die plaaslike munisipaliteite in die ZF Mgcawu-distriksmunisipaliteit in die Noord-Kaap, Suid-Afrika.

Mier het met die [[://Khara[dooie skakel] Hais Plaaslike Munisipaliteit]] saamgesmelt direk na die 2016 plaaslike verkiesing, om die nuwe Dawid Kruiper Plaaslike Munisipaliteit te vorm. Upington word die setel.

Ligging[wysig | wysig bron]

Mier lê wes van die Nossobrivier, die Moloporivier en die nedersetting Askham. Die noordgrens is die grens met die Kalahari Gemsbokpark (Kgalagadi Oorgrenspark, Kgalagadi Vredespark) op nagenoeg die 26°-suiderbreedtelyn. Aan die westekant vorm die 20°-oosterlengtelyn die grens met Namibië. Rietfontein en die Hakskeenpan is die kern van die gebied.

Naam[wysig | wysig bron]

Die naam Mier (of Mierland) verwys na die groot aantal mere of panne wat tussen die Nossob, Molopo, die Kurumanrivier en die Oranjerivier voorkom. Hierdie panne het slegs water in die uitsonderlike geval van 'n goeie reënjaar. Sommige van die panne is besonder groot. Hakskeenpan beslaan 24 km by 10 km en die Koppieskraalpan het 'n deursnee van 10 km. Die plat beddings word as paaie gebruik.

Nedersettings[wysig | wysig bron]

Volgens die Suid-Afrikaanse Nasionale Sensus van 2001 was die munisipaliteit as volg verdeel[1]

Plek Kode Area (km2) Bevolking
Groot Mier 31501 0.44 425
Mier 31502 11,743.22 3,477
Philandersbron 31503 0.77 790
Rietfontein 31504 1.51 2,157

Setels[wysig | wysig bron]

Party 2000 2006 2011
ANC 3 3 4
DA 2 0 2
OD 0 2 0
COPE 0 0 1

Geskiedenis[wysig | wysig bron]

'n Groep nomadiese Basters en Oorlams wat suid van die Oranje geleef het, het hulle in 1865 by Mier gevestig. Korannas wat vroeër in Gordonia gewoon het, het hul plase aan blanke boere verkoop en hulle ook op Mier gevestig. Laat in die 19de eeu het Gilarmi A. Farini by Rietfontein gewoon en in 1886 sy boek Through the Kalahari desert gepubliseer. Dit het aanleiding gegee tot die legende oor die verlore stad van die Kalahari.

Bibliografie[wysig | wysig bron]

  • Goldie, Fay: Lost city of the Kalahari - the Farini story and reports on other expeditions. Kaapstad: Balkema, 1963.
  • Van der Merwe, P.J.: Pioniers van die Dorsland. Kaapstad: Nasionale Pers, 1941.

Verwysings[wysig | wysig bron]