Mikro

in Wikipedia, die vrye ensiklopedie
Spring na: navigasie, soek
Mikro
Geboortenaam Christoffel Hermanus Kühn
Gebore 8 Oktober 1903
Williston
Oorlede 17 April 1968
Somerset-Wes
Nasionaliteit Suid-Afrika
Beroep Skrywer
Bekend vir Ruiter in die nag
Die jongste ruiter
Eerbewyse Hertzogprys, W.A. Hofmeyrprys

Mikro (die skuilnaam van Christoffel Hermanus Kühn) (* 8 Oktober 1903, † 17 April 1968) was 'n bekende Afrikaanse skrywer, van meer as honderd boeke. Hy is veral bekend vir Ruiter in die nag en Die jongste ruiter.

Biografie[wysig]

Hy is gebore op Van Reenensplaas, in die distrik Williston. Na skool studeer hy aan die Universiteit van Stellenbosch. (Dit is hier waar hy sy bynaam gekry het wat hy later as skuilnaam sou gebruik. Die storie is dat hy laat was vir 'n klas, en dat hy as verskoning aangevoer het dat hy gesoek het na sy 'troetelmikro-vlooi' en dié nie kon kry nie. Hy is steeds uit die klas gejaag, maar die bynaam is gebore). Hy verkry die graad B.Sc. in Landboukunde, asook 'n Hoër Onderwysdiploma. Hy word die skoolhoof by die Kuilsrivierskool, en later 'n dosent by die Oudtshoorn Opleidingskollege. Hy dien baie jare in die Landsdiensbeweging en word ook die nasionale leier daarvan tot 1964. Hy is twee keer getroud. Sy oudste dogter Corlia Fourie is ook 'n bekende Afrikaanse skrywer. Hy ontvang in 1936 die Hertzogprys vir sy twee werke 'Toiings' en 'Pelgrims' – die eerste twee boeke van die Toiings-trilogie – die W.A. Hofmeyrprys vir 'Die waas' in 1956 en die Scheepersprys vir Jeugliteratuur vir 'Die jongste ruiter' in 1957. Sy romans 'Gonnakolk' en 'Soetwater' word deur PG du Plessis verwerk as dramas vir die verhoog, terwyl hy ook 'Matewis en Meraai' vir televisie verwerk het.

Verkorte bibliografie[wysig]

  • 'Toiings' – publikasiedatum onbekend
  • 'Pelgrims' – 1936
  • 'Kaptein Gereke' – 1937
  • 'Kompartement 1001E' – 1939 (sien ook Moord in Kompartement 1001E)
  • 'Boerseun' – 1943
  • 'Die Jongste Ruiter' – 1955
  • 'Die Kleingeld-kommando' – 1956
  • 'Die ruiter in die nag' – 1957
  • 'Die Bont Takbok verken' – 1958
  • 'Die Bont Takbok word Bittereinder' – 1958
  • 'Generaal Kleingeld' – 1958
  • 'Burgers van die Kleingeld-kommando' – 1958
  • 'Die Jongste Veldkornet' – 1964
  • 'Die weduwee Meraai' – 1965

Bronne[wysig]