Mitchells Plein

Mitchells Plein‎ (Mitchell's Plain)
Skoolkinders in Mitchells Plein
Mitchells Plein‎
Koördinate: 34°03′02″S 18°37′05″O
Land	Suid-Afrika
Provinsie	Wes-Kaap
Oppervlak
- Stad	91,29 km²  (35,2 vk m)
Bevolking (2001)
- Stad	398 650
Tydsone	SAST (UTC+2)

Mitchells Plein‎ is grotendeels 'n "Bruin" woongebied omtrent 32 km vanaf Kaapstad. Dit is een van Suid-Afrika se grootste woongebiede. Dit is in die Kaapse Vlakte aan die Valsbaai-kus tussen Muizenberg en Khayelitsha geleë.

Mitchells Plein‎ is in die 1970's as 'n township vir Bruin bewoners onder die destydse groepsgebiedewet aangelê. Hoewel Mitchells Plein‎ nie langer 'n uitsluitlik Bruin woongebied is nie, is die bevolking steeds oorwegend Bruines. Met 'n geskatte bevolking van 290 000 mense bestaan Mitchells Plein‎ uit verskeie sub-afdelings wat die diversiteit en klasseverskille tussen inwoners aandui.

Die gebied was aanvanklik bekend as basis van die United Democratic Front wat die ANC se anti-apartheidsbedrywighede help finansier het. Deesdae is dit meer bekend vir sy bendes en tik-verslawing (methamphatemine) onder die jeug. Ten spyte van die negatiewe faktore is een van Kaapstad se grootste winkelsentrums, die Liberty Promenade, hier geleë.

Demografie

Volgens data van die 2001-sensus wat deur Stad Kaapstad saamgestel is het Mitchells Plein die volgende demografie:

Groep	Mans	Persentasie	Vroue	Persentasie	Totaal	Persentasie
Bruin	122,360	43.17	131,485	46.43	253,746	89.60
Swart	12,692	4.48	14,021	4.95	26,712	9.43
Indier/Asiate	902	0.32	861	0.30	1,763	0.62
Wit	472	0.17	504	0.18	976	0.34
Totaal	136,326	48.14	146,871	51.86	283,196	100

Sub-afdelings

Mitchells Plein is in verskeie sub-afdelings opgedeel. Die meer gegoede dele is in die weste en armer gemeenskappe in die oostelike helfte geleë.

• Rocklands
• Westridge
• Portlands
• Tafelsig
• Eastridge
• Beacon Valley
• Lentegeur
• Woodlands
• Weltevreden Valley
• Colorado Park
• Strandfontein