Mitchells Plain

in Wikipedia, die vrye ensiklopedie
(Aangestuur vanaf Mitchells Plein)
Mitchells Plain‎
Voorstad
Skoolkinders in Mitchells Plain
Skoolkinders in Mitchells Plain
Mitchells Plain‎ is in Wes-Kaap
Mitchells Plain‎
Mitchells Plain‎
 Mitchells Plain‎ se ligging in Wes-Kaap
Koördinate: 34°3′2″S 18°37′5″O / 34.05056°S 18.61806°O / -34.05056; 18.61806Koördinate: 34°3′2″S 18°37′5″O / 34.05056°S 18.61806°O / -34.05056; 18.61806
LandVlag van Suid-Afrika Suid-Afrika
ProvinsieWes-Kaap
MunisipaliteitStad Kaapstad
Stigting1970
Oppervlak
 • Totaal43,76 km2 (16,90 vk. myl)
Bevolking
 (2011)[1]
 • Totaal310 485
 • Digtheid7 095/km2 (18 380/vk. myl)
Rasverdeling (2011)
 • Wit mense0.2%
 • Indiërs/Asiërs0.6%
 • Bruin mense90.8%
 • Swart mense7.3%
 • Ander1.1%
Taal (2011)
 • Engels 47.4%
 • Afrikaans 46.9%
 • Xhosa 3.3%
 • Ander 2.4%
Poskode (strate)
7785
Poskode (posbusse)
7789
Skakelkode021

Mitchells Plain‎[2] is 'n woongebied vir grotendeels bruin mense, 32 km vanaf Kaapstad se middestad. Dit is Suid-Afrika se elfde grootste woongebied. Dit is op die Kaapse Vlakte aan die Valsbaai-kus tussen Muizenberg en Khayelitsha geleë.

Mitchells Plain‎ is in die 1970's as 'n township vir Bruin inwoners onder die destydse groepsgebiedewet aangelê. Hoewel Mitchells Plain‎ nie meer 'n uitsluitlik bruin woongebied is nie, is die bevolking steeds oorwegend Bruines. Met 'n geskatte bevolking van 310 485 mense bestaan Mitchells Plain‎ uit verskeie sub-afdelings wat die diversiteit en klasseverskille tussen inwoners aandui.

Die gebied was aanvanklik bekend as basis van die United Democratic Front wat die ANC se anti-apartheidsbedrywighede help finansier het. Deesdae is dit meer bekend vir sy bendes en "tik"-verslawing (metamfetamien) onder die jeug. Ten spyte van die negatiewe faktore is een van Kaapstad se grootste winkelsentrums, die Liberty Promenade, hier geleë.

Demografie[wysig | wysig bron]

Volgens data van die 2011-sensus wat deur Statistiek Suid-Afrika saamgestel is het Mitchells Plain die volgende demografie:[3]

Groep Manlik Persentasie Vroulik Persentasie Totaal Persentasie
Bruin 137 360 43,17 144 085 46,43 281 829 90,77
Swart 12 692 4,48 14 021 4,95 22 723 7,32
Indier/Asiate 902 0,32 861 0,30 1 926 0,62
Wit 274 0,09 307 0,10 581 0,19
Totaal 151 033 48,64 159 453 51,36 310 485 100

Sub-afdelings[wysig | wysig bron]

Mitchells Plein is in verskeie sub-afdelings opgedeel. Die meer gegoede dele is in die weste en armer gemeenskappe in die oostelike helfte geleë.

  • Rocklands
  • Westridge
  • Portlands
  • Tafelsig
  • Eastridge
  • Beacon Valley
  • Lentegeur
  • Woodlands
  • Weltevreden Valley
  • Colorado Park
  • Strandfontein

Misdaad[wysig | wysig bron]

Op Vrydag, 12 Julie 2019, is die Suid-Afrikaanse Nasionale Weermag in onder meer Mitchells Plain ontplooi om hoë vlakke van misdaad, wat die Suid-Afrikaanse Polisiediens tot dusver nog nie onder beheer kon bring nie, te takel.[4]

Verwysings[wysig | wysig bron]

  1. 1,0 1,1 1,2 1,3 "Hoofplek Mitchells Plain‎". Sensus 2011.
  2. Die amptelike spelling, wat oorspronklik aan die Nasionale Pleknamekomitee voorgelê is vir goedkeuring, was Mitchell's Plain.
  3. Mitchells Plain‎ Sensus 2011
  4. "South Africa is deploying the army to fight crime – here's how the murder rate compares to an actual war zone". BusinessTech (in Engels). 12 Julie 2019. Geargiveer vanaf die oorspronklike op 6 Desember 2019. Besoek op 12 Julie 2019.