Moloporivier

in Wikipedia, die vrye ensiklopedie
Moloporivier
Konsentrasiekamp tydens die Tweede Vryheidsoorlog aan die Moloporivier naby Mahikeng
Konsentrasiekamp tydens die Tweede Vryheidsoorlog aan die Moloporivier naby Mahikeng
Konsentrasiekamp tydens die Tweede Vryheidsoorlog aan die Moloporivier naby Mahikeng
Stroomgebied Botswana, Namibië, Suid-Afrika
Monding Oranjerivier, Noord-Kaap
Lengte 970 km (603 myl)
Monding-hoogte 480 m (1 575 voet)
Stroomgebiedopp. 367 201 km² (141 777 myl²)
Ligging van Moloporivier op 'n kaart (Suid-Afrika)
Moloporivier
Moloporivier
Koördinate: 28°31′0″S 20°13′18″O / 28.51667°S 20.22167°O / -28.51667; 20.22167Koördinate: 28°31′0″S 20°13′18″O / 28.51667°S 20.22167°O / -28.51667; 20.22167

Die Moloporivier (Engels: Molopo River) is 'n sytak van die Oranjerivier in Suid-Afrika. Die rivier ontspring in die Noordwes en vorm die grens met Botswana vir die grootste gedeelte van sy loop voor dit in die Oranjerivier vloei in die Noord-Kaap. Die Moloporivier is nie standhoudend nie.

Oorsprong[wysig | wysig bron]

Die rivier ontspring sowat 50 km oos van Mahikeng. Vanaf die oorsprong vloei die rivier wes, verby Mafikeng, deur die Modimola- en Disanengdamme tot waar die Ramatlabamarivier by die Molopo aansluit. Nou vorm die Moloporivier die grens met Botswana. Die Ramatlabamarivier ontspring by die Ramatlabama doeanepos tussen Suid-Afrika en Botswana en is die grens tussen die twee lande tot dit by die Moloporivier aansluit.

Die Botswanagrens[wysig | wysig bron]

Die Moloporivier vloei steeds wes, verby die Makgobistad doeanepos, verby Tshidilamolomo, swaai nou noordwes, verby die nedersetting Moloporivier, verby die Gemsbokvlakte tot by Bray wat ook 'n doeanepos is. Die rivier word nou droeër soos dit verder vloei. Vanaf Bray vloei die rivier steeds noordwes tot by Werda, swaai dan wes tot by die doeanepos Makopong en swaai dan bykans suid tot by die doeanepos McCarthysrus. Nou hou die rivier suidwes tot by die doeanepos Middelputs. Hier swaai die rivier weer wes, verby Khuis aan die Botswanakant tot by die grenspos Gemsbok waar die Nossobrivier aansluit by die Moloporivier. Nou vorm die rivier nie meer die grens met Botswana nie maar vloei in Suid-Afrika.

In Suid-Afrika[wysig | wysig bron]

Die rivier vloei verby Bokspits en dan sluit die Kurumanrivier by die Moloporivier aan. Die Molopo hou steeds suidwes, gaan verby Koopan-Suid en Noenieput. Nou swaai die rivier suidoos, verby Bokhara, Swartmodder, kruis die N10, dan die hoofspoorlyn tussen Suid-Afrika en Namibië, swaai suidwes en gaan verby Riemvasmaak voor dit in die Oranjerivier vloei net onder die Augrabieswaterval.[1]

Verwysings[wysig | wysig bron]

  1. Padlangs deur Suid-Afrika. 2010. ISBN 978-1-77007-751-5

Eksterne skakels[wysig | wysig bron]