Montagu

in Wikipedia, die vrye ensiklopedie
Spring na: navigasie, soek
Montagu
'n Straat in Montagu.
'n Straat in Montagu.
Ligging van Montagu op 'n kaart (Suid-Afrika)
Montagu
Montagu
Ligging van Montagu op 'n kaart (Wes-Kaap)
Montagu
Montagu
Koördinate: 33°47′S 20°07′O Koördinate: 33°47′S 20°07′O
Land Vlag van Suid-Afrika Suid-Afrika
Provinsie Wes-Kaap
Distriksmunisipaliteit Kaapse Wynlande
Plaaslike Munisipaliteit Langeberg
Stigting 1851
Hoogte 210 m (689 vt)
Bevolking
 - Stad 9 500
Tydsone SAST (UTC+2)
Webwerf: http://www.montagu.org.za/

Montagu is 'n dorp in die Klein Karoo in die Wes-Kaap. Die dorp lê op die R62-roete en het ongeveer 9 500 inwoners. Die dorp is die 'hoofstad van die Langebergvallei'. Die vallei is tussen die Langeberg (suid) en Waboomsberge (noord).


Geskiedenis[wysig]

Montagu se NG Kerk.
Montagu se warmwaterbron-vakansieoorde lok jaarliks vele toeriste

Daniel Stephanus van der Merwe het in 1850 erwe op die plaas Uitvlug deur die landmeter William Atmore laat uitlê en die eerstes is in 1851 verkoop. Nog erwe, deur die landmeter Kannemeyer uitgelê, is in 1854 verkoop en die huidige vorm van die dorp is geskep. Die dorp was aanvanklik as Agter-Cogmanskloof bekend, maar is later vernoem na John Montagu, die Koloniale sekretaris vir die Kaapkolonie. Die uitleg, tussen die Keisie- en Kignariviere, met waterkanale wat van die een rivier na die ander loop, is deur die jare behou. Die dorp wat 'n besondere mengsel van woon-, handels- en landelike gebiede het, is nou die ideale onderwerp vir argitektoniese studie.

Die belangrikste dryfveer agter die stigting van die dorp was landboubedrywighede op klein skaal: Groot plase het te duur geword en die ekonomies gangbare groot watererwe is eerste verkoop. Die kweek van druiwe en die maak van wyn was die belangrikste bedryf. Die eerste tydelike kerk is in 1852 gebou en in die volgende jaar is met 'n skool vir sestien kinders begin. Die skoenmakers, wamakers, grofsmede, slagters, leerlooiers, kleremakers en winkeliers het hul ook gou gevestig. Op Montagu staan nog twintig huise wat tussen 1850 en 1885 gebou is.

Distrik[wysig]

Die distrik is 2 543km2 groot. Tesame met wyn word appels, pere, appelkose en perskes verbou. Vandag is Montagu veral bekend om sy minerale warmwaterbron.

Sien ook[wysig]

Eksterne skakels[wysig]