Mor Gabriël-klooster

in Wikipedia, die vrye ensiklopedie
Spring na: navigasie, soek
Die prominente torings van Mor Gabriël klooster
Die funksionele hoofblok van die Mor Gabriël klooster wat die rol daarvan as 'n werkgemeenskap beklemtoon
Stersimbool in die Mor Gabriël klooster, wat later tot die Assiriese vlag toegevoeg is.

Deyrulumur Monastery (wat ook as Dayro d-Mor Gabriel bekendstaan) (Aramees: ܕܝܪܐ ܕܡܪܝ ܓܒܪܐܝܠ; Die Klooster van Sint Gabriël) is die oudste oorblywende Siries-Ortodokse klooster ter wêreld. Dit is op die Toer Abdin plato naby Midjat in die Mardin Provinsie in Suidoostelike Turkye geleë.

Deyrulumur is in 397 gestig en is die lewenskragtige Siries-Ortodokse klooster in Turkye, met ongeveer vyftien nonne en twee monnike in verskillende vleuels van die gebou, sowel as 'n wisselende aantal plaaslike lekebroeders en -susters en gaste van oorsee. Dit is ook die setel van die metropolitaanse biskop van Toer Abdin.

Deyrulumur is 'n werkgemeenskap geleë tussen tuine en boorde met residensiële akkommodasie uit die 1960's wat tot 'n mate afbreuk doen aan die antieke geboue. Die klooster se hoofdoel is om Siries-Ortodokse Christendom in die geboorteland aan die lewe te hou deur skoling en ordinasie van inheems gebore monnike. Dit het al per geleentheid fisiese beskerming aan die plaaslike Christen gemeenskappe gebied.

Deyrulumur is oop aan besoekers en dit is moontlik om daar te oornag.

Eksterne skakels[wysig]

Commons-logo.svg
Wikimedia Commons het meer media verwant aan: