Morné du Plessis

in Wikipedia, die vrye ensiklopedie
Morné du Plessis Rugbyportaal
Volle naam Morné du Plessis
Geboortedatum 21 Oktober 1949 (1949-10-21) (74 jaar oud)
Geboorteplek Vereeniging, Suid-Afrika
Lengte 1,95 m
Skool Grey-kollege
Universiteit Stellenbosch
Vername familie Felix du Plessis (vader)
Kinders 3
Beroep Sportgoedere-sakeman
Rugbyloopbaan
Loopbaan as speler
Posisie(s) Agsteman
Amateurspanne
Jare Klub / span Weds (pte)
Stellenbosch, Villagers
Provinsiale- / Staatspanne
Jare Klub / span Weds (pte)
Westelike Provinsie
Nasionale span(ne)
Jare Land Weds (pte)
1971–1980 Vlag van Suid-Afrika Suid-Afrika 22 (12)

Morné du Plessis OIS (21 Oktober 1949, Vereeniging - ) is 'n oud-Springbokrugbyspeler en -kaptein. Hy is een van Suid-Afrika se bekendste rugbyspelers; op én van die veld. Hy was Suid-Afrika se ses-en-dertigste Springbokkaptein.

Agtergrond[wysig | wysig bron]

Sy pa, Felix du Plessis, was ook 'n Springbokspeler én -kaptein terwyl sy ma, Pat du Plessis, 'n Springbok-hokkiespeler en -kapteine was. Twee van haar broers het Suid-Afrika in sokker verteenwoordig. Morné het ook uitgeblink op die krieketveld. Hy het die Suid-Afrikaanse skolekrieketspan gehaal, maar kon nooit die Cravenweekspan vir rugby haal nie. Hy was in Grey-kollege op hoërskool en het daarna by Universiteit Stellenbosch gaan studeer. Hy het ook in 1974 en 1975 as snelbouler vir die Westelike Provinsie se krieketspan gespeel.

Rugbyloopbaan[wysig | wysig bron]

Universiteit Stellenbosch se Wilgenhof koshuis, waar Morné du Plessis loseer het

Hy was kaptein van Westelike Provinsie se onder-20-span, eers as slot en later as agsteman. Hy was twintig jaar oud toe hy in 1970 die eerste keer vir Westelike Provinsie uitgedraf het en het 112 wedstryde vir hulle gespeel – 103 as kaptein. Morné was 21 jaar oud toe hy in 1970 die eerste keer vir die Springbokspan gekies is vir die toer na Australië. Hy het in drie toetse gespeel op die toer. In 1974 speel hy in slegs twee toetse teen die Britse Leeus tuis en twee toetse teen die Franse in Frankryk.

In 1975 was hy die eerste keer Springbokkaptein teen die Franse in Suid-Afrika, 'n posisie wat hy behou het tot sy uittrede in 1980. In 1976 wen die Springbokke die toetsreeks 3-1 teen die All Blacks in Suid-Afrika en in 1980 maak hulle weer so teen die Britse Leeus in Suid-Afrika. Hy lei ook die Springbokke tot oorwinning oor die 1977 Wêreldvyftiental en in 1980 oor die Jaguars (die vermomde Argentynse span) deur albei toetse te wen.

Morné was ook deel van die bestuurspan van die suksesvolle Wêreldbekerwenspan van 1995.

Omstrede voorvalle[wysig | wysig bron]

Daar was twee voorvalle wat die Suid-Afrikaanse rugbypubliek nie sommer sal vergeet van Morné nie: in 1975 tydens die proewe slaan hy Kleintjie Grobler met die vuis dat dié met 'n draagbaar van die veld af is. Dié dag het Morné 'n sogenaamde "meanie" geraak. Na die voorval land Morné in Kaapstad en word buite die lughawegebou begroet deur 'n ondersteuner met die woorde: Let me shake the hand that shook the world.

Die Noord-Transvaalse rugbyondersteuners sal nooit die 1977-voorval op Loftus Versfeld vergeet waar hy hul gunsteling, Naas Botha, hard geduik het nie. Naas moes die veld verlaat.

Morné is baie dinge genoem in sy loopbaan, onder andere 'windskermveër' deur die Franse, 'moffie' en 'maureen' deur die Transvaalse rugbypubliek en 'skruminspekteur' deur die res van die land.

Morné word deur die hele rugbywêreld gerespekteer.

Statistiek[wysig | wysig bron]

Morné het in 22 toetse gespeel, 15 keer as kaptein, en in dié 15 wedstryde het sy span 43 drieë gedruk waarvan hy self drie gedruk het.

Opponente Resultate Posisie Drieë Datum Plek
Vlag van Australië Australië 19 – 11 Agsteman 17 Julie 1971 Sydney-krieketveld, Sydney
Vlag van Australië Australië 14 – 6 Agsteman 31 Julie 1971 Brisbane Exhibition Ground, Brisbane
Vlag van Australië Australië 18 – 6 Agsteman 7 Augustus 1971 Sydney-krieketveld, Sydney
Britse en Ierse Leeus 3 – 12 Agsteman 8 Junie 1974 Nuwelandstadion, Kaapstad
Britse en Ierse Leeus 9 – 28 Flank 22 Junie 1974 Loftus Versfeld, Pretoria
Vlag van Frankryk Frankryk 13 – 4 Agsteman 23 November 1974 Stade Municipal, Toulouse
Vlag van Frankryk Frankryk 10 – 8 Agsteman 30 November 1974 Parc des Princes, Parys
Vlag van Frankryk Frankryk 38 – 25 Agsteman 21 Junie 1975 Vrystaatstadion, Bloemfontein
Vlag van Frankryk Frankryk 33 – 18 Agsteman 1 28 Junie 1975 Loftus Versfeld, Pretoria
Vlag van Nieu-Seeland Nieu-Seeland 16 – 7 Agsteman 24 Julie 1976 Kings Park-stadion, Durban
Vlag van Frankryk Frankryk 9 – 15 Agsteman 14 Augustus 1976 Vrystaatstadion, Bloemfontein
Vlag van Frankryk Frankryk 15 – 10 Agsteman 4 September 1976 Nuwelandstadion, Kaapstad
Vlag van Frankryk Frankryk 15 – 14 Agsteman 18 September 1976 Ellispark-stadion, Johannesburg
Wêreld XV 45 – 24 Agsteman 27 Augustus 1977 Loftus Versfeld, Pretoria
Suid-Amerika 24 – 9 Agsteman 26 April 1980 Wanderersstadion, Johannesburg
Suid-Amerika 18 – 9 Agsteman 1 3 Mei 1980 Kings Park-stadion, Durban
Britse en Ierse Leeus 26 – 22 Agsteman 31 Mei 1980 Nuwelandstadion, Kaapstad
Britse en Ierse Leeus 26 – 19 Agsteman 14 Junie 1980 Vrystaatstadion, Bloemfontein
Britse en Ierse Leeus 12 – 10 Agsteman 28 Junie 1980 Boet Erasmus-stadion, Port Elizabeth
Britse en Ierse Leeus 13 – 17 Agsteman 12 Julie 1980 Loftus Versfeld, Pretoria
Suid-Amerika 30 – 16 Agsteman 1 25 Oktober 1980 Prince of Wales Cricket Club, Santiago
Vlag van Frankryk Frankryk 37 – 15 Agsteman 8 November 1980 Loftus Versfeld, Pretoria

Bron[wysig | wysig bron]

Eksterne skakels[wysig | wysig bron]

Voorafgegaan deur
Piet Greyling
Springbokkaptein
1975–1980
Opgevolg deur
Theuns Stofberg