Mount Ayliff

Mount Ayliff
Mount Ayliff
Koördinate: 30°48′34″S 29°22′04″O
Land	Suid-Afrika
Provinsie	Oos-Kaap
Distriksmunisipaliteit	Alfred Nzo
Plaaslike Munisipaliteit	Umzimvubu
Tydsone	SAST (UTC+2)

Mount Ayliff is 'n dorp in die oostelike Oos-Kaap, Suid-Afrika. Mount Ayliff is geleë in die vallei van die Umzimhlavarivier op die N2 nasionale pad in die Transkeistreek, Oos-Kaap, Suid-Afrika.

Geskiedenis

Die dorpie is vernoem na William Ayliff, hoof van beampte van 'nie-blanke' sake in die Kaap. Hy het die dorp in 1878 besoek. Die dorpie was van 1948 af 'n kernpunt van die NG gemeente Pondoland wat later jare in die slag gebly het weens die Nasionale Party-regering se beleid van tuisland-konsolidering toe blanke plase uitgekoop is om die grondgebied van die destydse Transkei te vergroot.

Omgewing

Mount Ayliff is die administriewe sentrum vir die Xesibe Xhosa stam. Hulle plaaslike naam vir die dorp is: MaXesibeni (die plek van die Xesibe). Die distrik is 922 km² groot en huisves inheemse woude met eksotiese plantasies. Daar is klein afsettings van koper en tin in die Ntsizwaberge wat van tyd tot tyd gemyn word.

Sien ook

• Lys van dorpe in Suid-Afrika

Bron

• Op Pad in Suid-Afrika. BPJ Erasmus 1995 ISBN 1-86424-026-4