Mount Mansfield

Mount Mansfield
Ligging:	Vermont (VSA)
Hoogte:	1 339 meter
Reeks:	Groen Berge
Koördinate:	44°32′N 72°48′W
Maklikste roete:	voetslaanpad

Mount Mansfield is die hoogste berg in die Amerikaanse deelstaat Vermont. Sy hoogste spits in die dorp Underhill is 4 393 voet (1 339 meter) bo seevlak.

Die berg lyk baie op 'n menslike gesig mits dit vanuit die weste bekyk word, met 'n duidelike voorkop, neus, lippe, ken (die hoogste piek) en 'n adamsappel. Hierdie kenmerke is duidelik sigbaar wanneer die berg vanuit die ooste in westelike rigting bekyk word.

Mount Mansfield is een van die twee plekke in Vermont waar egte toendra uit die Ystydperk bewaar gebly het. 'n Paar akkers se toendra kan op Camel's Hump net suid van die berg besigtig word, maar die toendra op die hoogste bergspits van Mount Mansfield beslaan nog sowat 200 akkers.

Die berg dien as 'n ontspanningsgebied, maar word ook vir kommersiële doeleindes gebruik. Die bergspits huisves uitsaaitorings vir 'n aantal plaaslike radio- en televisiestasies. Mount Mansfield pronk met talle voetslaanpaaie, waaronder die Long Trail, wat deur die hoofrantlyn loop. Daarnaas word die oostelike flank van Mount Mansfield deur die Stowe-bergoord vir sowel skisport en toerisme asook 'n tolpad wat oop staan vir motors gebruik.