Musina
| Musina Messina |
|
.svg)  Musina
|
|
| Koördinate: | |
|---|---|
| Land |  Suid-Afrika |
| Provinsie | Limpopo |
| Distriksmunisipaliteit | Vhembe |
| Plaaslike Munisipaliteit | Musina |
| Stigting | 1968 |
| Bevolking (2010) | |
| - Stad | 20 220 |
| Tydsone | SAST (UTC+2) |
| Poskode | 0900 |
| Skakelkode(s) | 015 |
| Webwerf: http://www.musina.gov.za | |
- Hierdie artikel handel oor 'n dorp in die noorde van Suid-Afrika. Vir die stad in Italië, sien gerus Messina.
Messina of Musina, is 'n dorp in die noorde van Suid-Afrika in die Limpopoprovinsie. Musina het 'n bevolking van sowat 20 000 mense. Die N1 nasionale pad gaan deur Musina; noord na Beitbrug en suid na Louis Trichardt. Musina is die noordelikste dorp in Suid-Afrika en is 2 000km vanaf Kaapstad.
Inhoud |
[wysig] Vroeëre geskiedenis
Daar is genoegsame aanduidings dat yster en koper reeds in prehistoriese tye hier gemyn was. Die eerste blanke prospekteerders en myners het baie tonnels, skagte en uitskothope gevind. Onlangs is yster ontgin deur mense wat as die Musina bekend geword het. In Venda beteken dit die bederwer. Die Musina het hul vroue al die werk laat doen. Hulle het skagte gegrawe met ystergrawe en die erts is met mandjies opgehys. Dit is fyn gekap met hamers en in oonde gevoer wat toegerus was met blaasbalke. Gietstukke wat so gemaak is, is gebruik as geld of ruilmiddels. Koper is ook gebruik om kombuis gereedskap te maak. Dit is onbekend hoekom die Musina die gebied verlaat het.
[wysig] Geskiedenis
Na die Tweede Vryheidsoorlog het John Grenfell prospekteurswerk gedoen in die omgewing nadat hy van die antieke myne te hore gekom het. Hy het 'n maatskappy gestig en hy ontdek dat die plaas Berkenhead 'n berg van koper was. Die Messina Development Company is in 1905 gestig om sowel die myne as die dorpe te ontwikkel. Die dorp is in 1915 geproklameer en het in 1968 'n munisipaliteit geword.
[wysig] Distrik
Die distrik is 6 000km2 groot. Sitrus, subtropiese vrugte en groente -langs die Limpoporivier- is van die belangrikste gewasse wat in die distrik verbou word. Veeboedery maak ook 'n groot bydra. Die distrik is ook bekend vir sy Kremetartbome. Daar is 'n Kremetart-reservaat van ongeveer 150km2 om die dorp verklaar. Daar is 'n Kremetartboom op die plaas Nonsiang wat ongeveer 26m hoog is met 'n omtrek van 19m en is waarskynlik 4 500 jaar oud.
