N11 (Suid-Afrika)

in Wikipedia, die vrye ensiklopedie

Nasionale roete N11 shield

Nasionale roete N11
Roete-inligting
Onderhou deur SANRAL
Lengte773 km (480 mi)
Belangrike aansluitings
NoordpuntBotswanagrens by Groblersbrug
  N1 naby Mokopane
N4 naby Middelburg
N2 / N17 in Ermelo
Suidpunt N3 naby Ladysmith
Ligging
DorpeMokopane
Middelburg
Ermelo
Volksrust
Newcastle
Ladysmith
Snelwegstelsel
Genommerde roetes in Suid-Afrika
N10N12

Die N11 is een van Suid-Afrika se 17 nasionale paaie. Hierdie nasionale pad gaan deur drie provinsies: KwaZulu-Natal, Mpumalanga en Limpopo. Daar is baie besienswaardighede op die roete.[1] Dit verbind die N3, KwaZulu-Natal met die Groblersbrug grenspos op die Botswanagrens. [2]

KwaZulu-Natal[wysig | wysig bron]

Die N11 begin in KwaZulu-Natal waar dit aftak van die N3 nasionale pad 15 km suid van die Tugela-tolhek in ’n oostelike rigting. Na 19 km gaan die pad deur Ladysmith en swaai dan noordoos. Die N11 gaan dan verby die Elandslaagte-slagveld, verby Biggarsberg en Fort Mistake en na 57 km word die afdraai van die R68-provinsiale pad bereik. Die R68 gaan na Glencoe en Dundee. Na ’n verdere 64 km word die afdraai van die R34-provinsiale pad bereik nadat daar eers verby die Ntshingwayodam en die afdraai na Newcastle gery is. Die pad na Volksrust is 40 km noord. Daar word op die pad deur die Laingsnekpas gery, dan verby die berg en slagveld van Majuba en deur Charlestown gery. Volksrust is in Mpumalanga.

Mpumalanga[wysig | wysig bron]

Die roete tussen Hendrina en Ermelo, Mpumalanga

Van Volksrust hou die pad steeds noord vir 41 km tot by Amersfoort. Ermelo is 59 km verder noord. Ongeveer 35 km voor Ermelo word die Vaalrivier gekruis. By Ermelo word die N17 nasionale pad gekruis terwyl die N2 nasionale pad ook hier begin. Die N11 swaai nou noordwes en 50 km verder is Hendrina. Die N4 nasionale pad word 43 km verder gekruis en na nog 9 km word Middelburg teëgekom. Groblersdal is 92 km verder; halfpad word verby die Loskopdam gery en Limpopo binne gegaan.

Limpopo[wysig | wysig bron]

Dit is 27 km van Groblersdal na Marble Hall. Dit is dan nog 51 km tot by Roedtan nadat die Elandsrivier gekruis is. Die N1 nasionale pad is 37 km verder. Na die N1-kruising is dit 12 km tot by Mokopane (Potgietersrus). Die N11 hou steeds noordwes en na 92 km word daar verby Uitzicht gery waar die Steenbokskeerkring gekruis word. Baltimore is 37 km verder. Die grenspos by Groblersbrug is 60 km verder nadat eers by twee nedersettings Marnitz en Tom Burke verby gery is. By die grenspos eindig die N11.[3][4]

Sien ook[wysig | wysig bron]

Verwysings[wysig | wysig bron]

  1. "argiefkopie". Geargiveer vanaf die oorspronklike op 12 Mei 2008. Besoek op 8 Junie 2008.
  2. (en) Falkner, John (Mei 2012). Suid-Afrikaanse genommerde roetebeskrywing en bestemmingsontleding (Report). Nasionale Departement van Vervoer. Archived from the original on 6 Junie 2014. https://web.archive.org/web/20140606100245/http://www.transport.gov.za/LinkClick.aspx?fileticket=5qOHvOI4KuY%3d. Besoek op 1 September 2014. 
  3. Op Pad in Suid-Afrika. 1995. B.P.J. Erasmus. ISBN 1-86842-026-4
  4. Padlangs deur Suid-Afrika. 2010. ISBN 978-1-77007-751-5

Eksterne skakels[wysig | wysig bron]