N12 (Suid-Afrika)
.svg)
Die N12 is een van die nasionale paaie in Suid-Afrika. Die pad verbind George, Wes-Kaap met Witbank, Mpumalanga.
Inhoud |
[wysig] Kusvlakte
Die N12 begin in George waar dit van die N2 afdraai. Dit gaan deur George en klim vinnig waar dit as die Outeniekwapas oor die Outeniekwaberge gaan. Nou is die reisiger in die Klein-Karoo.
[wysig] Klein-Karoo
Ongeveer 5km na die Outeniekwapas draai die N9 van die N12 af. Die N12 kronkel noordwaarts, verby baie volstruis plase en kruis die Olifantsrivier voor dit deur Oudtshoorn gaan. Van George na Oudtshoorn is 59km. In Oudtshoorn swaai die N12 oos, verby Dysselsdorp, deur De Rust en Meiringspoort. In die poort is daar baie besienswaardighede. Ander kant die poort gaan die reisiger deur Klaarstroom en is nou in die Koup. Die pad is 57km lank van Oudtshoorn na Klaarstroom.
[wysig] Die Koup
Die N12 hou nou reg noord, plat en reguit en 'n 117km later sluit die N12 by die N1 aan en 6km later is die reisiger in Beaufort Wes. Die N12 en N1 bly eenpad (noordoos) tot by Drie Susters, Noord-Kaap waar die N12 noordwaarts afdraai. Die reisiger is nou in die Karoo.
[wysig] Karoo
Van Drie Susters kronkel en rol die pad vir 62 km na Victoria-Wes. Vanaf Victoria-Wes is die pad lank en reguit vir 'n 104km voor Britstown bereik word. By Britstown gaan die N12 oor die spoorlyn wat De Aar met Namibië verbind en kruis ook die N10. Die pad is nou lank en reguit vir 77km na 'n klein dorpie, Strydenburg en hou so aan vir nog 56km tot by Hopetown. Net na Hopetown gaan die N12 oor die Oranjerivier en betree die groot noordweste van Suid-Afrika. Op pad na Kimberley (120km verder) gaan die N12 verby 'n klomp slagvelde van die Tweede Vryheidsoorlog. Die eerste is Belmont, dan Graspan, dan volg Modderrivier en laaste Magersfontein. Kimberley bied ook verskeie besienswaardighede aan die reisiger en is baie bekend vir diamante en die Groot Gat. Anderkant Kimberley hou die N12 noordwaarts vir 71km tot by Warrenton.
[wysig] Noordwes
Anderkant Warrenton swaai die N12 noordoos, kruis die Vaalrivier en gaan die Noordwes binne. Die N12 hou noordoos en bly parallel met die Vaalrvier vir 40km tot by Christiana en hou so aan vir nog 57km tot by Bloemhof waar die bekende Bloemhofdam is. En steeds rol die N12 voort, 64km verder gaan die pad deur Wolmaransstad en nog 81km verder is die reisiger in Klerksdorp. Hier word die eerste goudmyne raakgeloop. Stilfontein, ook 'n myndorp, is net 11km verder aan met die N12. Steeds hou die N12 noordoos, 35km later word Potchefstroom binne gery. Potchefstroom bied ook baie besienswaardighede aan aan die reisiger. Die afdraai na Fochville en Carletonville is net 52km verder en die reisiger gaan nie net Gauteng binne nie maar ook die Hoëveld.
Ongeveer 8km voor die Fochville afdraai is daar 'n 24m gedenknaald vir die vermaarde Boereverkenner Danie Theron op die plek waar hy gesneuwel het.
[wysig] Hoëveld
Nou is daar baie tekens van mynbou te sien. Twee en twintig kilometer vanaf die die Fochville afdraai word 'n groot 4-rigting stop teëgekom. Hier word die R28 pad gekruis, links gaan na Randfontein en regs na Vereeniging. Die N12 is nou 'n snelweg en gaan tussen Lenasia en Soweto deur totdat dit saamsmelt met die N1. By Diepkloof skei die N12 van die N1. Die pad is nog steeds 'n snelweg, hou oos en staan bekend as die Suidelike Verbypad. Die N12 gaan deur die suidelike voorstede van Johannesburg en swaai dan noord waar dit by die N3 aansluit ook bekend as die Oostelike Verbypad. By die Bedfordview wissellaar skei die N12 van die N3 en hou oos, verby Boksburg, Benoni, Brakpan en Springs. Die N12 hou noordoos en net verby Springs word Mpumalanga binne gegaan.
[wysig] Mpumalanga
Die N12, steeds 'n snelweg, hou noordoos. Die reisiger het nou die steenkoolvelde betree. Die N12 gaan verby Ogies en verskeie kragstasies tot dit aansluit by die N4 buite Witbank.[1][2]
[wysig] Sien ook
Nasionale paaie in Suid-Afrika
[wysig] Verwysings
- ^ Op Pad in Suid-Afrika. BPJ Erasmus 1995. ISBN 1-86842-026-4
- ^ Padlangs deur Suid-Afrika. 2010 ISBN 978-1-77007-751-5
|
|||||||||
