N17 (Suid-Afrika)

in Wikipedia, die vrye ensiklopedie
(Aangestuur vanaf N17)

Nasionale roete N17 shield

Nasionale roete N17
Roete-inligting
Onderhou deur SANRAL
Lengte330,66 km (205,46 mi)
Belangrike aansluitings
Wespunt R55 / M17 / M11 Wemmerpanweg in Johannesburg
  N12 in Alberton
N3 in Alberton
N2 / N11 in Ermelo
OospuntMR3 by die Eswatini-grens naby Ngwenya
Ligging
StedeJohannesburg
Germiston
Springs
Bethal
Ermelo
Snelwegstelsel
Genommerde roetes in Suid-Afrika
N14N18

Die N17 is een van die nasionale paaie in Suid-Afrika. Die pad verbind Johannesburg, Gauteng, met Mbabane, eSwatini, via die Oshoekgrenspos. [1]

Gauteng[wysig | wysig bron]

Die N17 begin naby Wemmerpan, suid van City Deep. Die pad gaan suidoos en later oos tot dit onder deur die N12 nasionale pad gaan. Dit kruis dan die N3 nasionale pad by die Germiston/Randse Lughawe Wissellaar. Nou gaan die N17 verder oos en gaan suid van Germiston, Brakpan en Springs verby. Die N17 hou steeds oos verby Devon en gaan dan Mpumalanga binne.

Mpumalanga[wysig | wysig bron]

Nou gaan die pad verby Leandra tot in Kinross. Die N17 hou steeds oos, verby Secunda en Trichardt tot in Bethal. Na ’n verdere 55 km bereik die N17 die dorp Ermelo. Hier kruis die pad die N11 nasionale pad en die beginpunt van die N2 nasionale pad. Die N17 swaai nou noordoos, kruis die Vaalrivier, amper by sy oorsprong, en gaan deur Chrissiesmeer. Warburton is 24 km verder oos en Lochiel 36 km verder. Hiervandaan is dit ongeveer 25 km tot by die Oshoekgrenspos.[2]

Sien ook[wysig | wysig bron]

Verwysings[wysig | wysig bron]

  1. (en) Falkner, John (Mei 2012). Suid-Afrikaanse genommerde roetebeskrywing en bestemmingsontleding (Report). Nasionale Departement van Vervoer. Archived from the original on 6 Junie 2014. https://web.archive.org/web/20140606100245/http://www.transport.gov.za/LinkClick.aspx?fileticket=5qOHvOI4KuY%3d. Besoek op 1 September 2014. 
  2. Padlangs deur Suid-Afrika. 2010. ISBN 978-1-77007-751-5

Eksterne skakels[wysig | wysig bron]