N3 (Suid-Afrika)
.svg)
Die N3 is een van die nasionale paaie in Suid-Afrika. Die pad verbind Durban, KwaZulu-Natal met Johannesburg, Gauteng via die Vrystaat. Die hele pad van van Durban na Johannesburg is 'n snelweg van 4 bane waar net by die tolhekke gestop moet word.
Inhoud |
[wysig] KwaZulu-Natal
Die N3 begin in Durban se middestad waar Monty Naicker Weg die N3 raak. Die pad hou dan wes en kruis dan die N2 nasionale pad by die EB Cloete wissellaar. Hiervandaan gaan die pad verby Pinetown, dan deur die Mariannhill Tolhek, verby Camperdown na Pietermaritzburg. Dit kruis die Comrades-maraton roete 'n paar keer. Die snelweg gaan tussen Howick en die Midmardam deur, deur die Mooirivier Tolhek en hou aan tot by die Estcourtafrit. Net hierna is die Wagendriftdam te sien aan die linkerkant. Die snelweg hou noordwes, kruis die Tugelarivier, gaan deur die Tugela Tolhek en gaan verby die een punt van die N11 nasionale pad wat ook die afrit na Ladysmith is. Na 'n verdere 20km word die Drakensberg bestyg via die Van Reenenspas en word deur die dorpie Van Reenen gery. Nou word die Vrystaat binnegegaan.
[wysig] Vrystaat
Na 11km word by Swinburne verby gery en die Wilgerivier word gekruis in die proses. Twintig kilometer verder gaan die N3 deur Harrismith waar die N5 afdraai. Na 'n verdere 51km gaan die pad verby Warden, deur die Wilge Tolhek en is dan reguit noordoos tot by Villiers. Hier word die Vaalrivier gekruis. Sowat 20km na die Vaalrivier gekruis word, word daar verby Grootvleikragstasie (aan die regterkant) verby gery. Na 'n verdere 20km word Gauteng binne gegaan.
[wysig] Gauteng
Twintig kilometer later gaan die N3 eers deur die De Hoek Tolhek en hou verby Heidelberg en hou vir nog 40km noordwes tot by Alberton. Hier kruis die N3 die N17 nasionale pad en net daarna sluit die N12 by die N3 aan. Die N3 hou noord, gaan deur die Geldenhuys wisselaar, deur die Gillooly's wissellaar tot by die Sandton/Buccleuch wissellaar waar dit met die N1 aansluit en eindig.[1][2]
[wysig] Tolhekke
Daar is vyf tolhekke op die hele N3 roete. Vanaf Durban na Johannesburg is hulle as volg:
- Mariannhill Plaza - R 8.00
- Mooirivier Plaza - R 35.00
- Tugela Plaza - R 50.00
- Wilge Plaza - R 47.00 (By Villiers)
- De Hoek Plaza - R 34.00 (By Heidelberg)
Totale tolhek koste is dus: R 174.00. Koste soos op 1/4/2012
[wysig] Sien ook
Nasionale paaie in Suid-Afrika
[wysig] Verwysings
- ^ Op Pad in Suid-Afrika. BPJ Erasmus. 1995 ISBN 1-86842-026-4
- ^ Mapstudio Street Guide. 2003 ISBN 1-86809-652-1
|
|||||||||
