NG gemeente Broken Hill

Ds. HF Witthuhn, eerste leraar van 1954 - 1958.

Ds. SCJ van Rensburg, leraar van 1961 - 1963.

Die NG gemeente Broken Hill was 'n gemeente van die Nederduitse Gereformeerde Kerk op Kabwe (destyds Broken Hill) in die destydse Noord-Rhodesië, tans Zambië.

Broken Hill is aanvanklik as deel van die NG gemeente Lusaka bedien. Ds. Harry Witthuhn (1925 - 2008) is op 29 April 1950 as medeleraar van Lusaka met standplaas Broken Hill bevestig. Broken Hill stig op 9 Oktober 1954 as afsonderlike gemeente af met ds. Witthuhn as eerste leraar, waar hy bly tot Oktober 1958.

Na onafhanklikwording in 1964 loop die gemeente mettertyd dood tot dit in die vroeë jare sewentig weer by Lusaka ingelyf is.

Enkele leraars

• Harry Witthuhn, 1954 – 1958
• Johan Frederik Wohlitz, 1959 - 1960
• Sarel Celliers Janse van Rensburg, 1961 – 1963
• Hendrik Frederik Kotzé, 1963 – 1964
• Edwin Mattheus van Graan, 1964 - 1967

Sien ook

• Sinode van Midde-Afrika
• NG Kerk in Zambië

Bronne

• Olivier, ds. P.L. 1952. Ons gemeentelike feesalbum. Kaapstad en Pretoria: N.G. Kerk-uitgewers.